Tuesday, 17 November 2026
Advertisement
HDC — Share-Below (leaderboard)
ޚަބަރު

އުއްމީދު ކުރި ނަތީޖާ ނުލިބުމުން ވަރަށް ދެރަ: ފައްޔާޒު

އުއްމީދު ކުރި ނަތީޖާ ނުލިބުމުން ވަރަށް ދެރަ: ފައްޔާޒު

މިފަހަރުގެ ރިޔާސީ އިންތިޚާބުގައި އެމްޑީޕީ ކޯލިޝަނުން އުއްމީދުކުރި ވަރަށްވުރެ ދަށް ނަތީޖާއެއް ލިބުމުން ވަރަށް ދެރަ ކަމަށް އެ ޕާޓީގެ ޗެއާޕާސަން އަދި އިކޮނޮމިކް މިނިސްޓަރު ފައްޔާޒު އިސްމާޢީލް ވިދާޅުވެއްޖެއެވެ.

"އަދަދު"އަށް ދެއްވި ބަސްދީގަތުމެއްގައި ފައްޔާޒު ވިދާޅުވީ، ދެވަނަ ބުރު ކާމިޔާބު ކުރުމަށް އަތުކުރި އޮޅާލައި ކުރިއަށްވުރެ ގަދަޔަށް މަސައްކަތްކުރަންޖެހޭ ކަމަށެވެ.

އެމްޑީޕީގެ ރިޔާސީ ކެންޑިޑޭޓް އިބްރާހިމް މުޙައްމަދު ޞާލިޙް ރިޔާސީ ކެމްޕެއިނުގައި ވިދާޅުވަމުން ގެންދެވީ އެމަނިކުފާނާއި އެކުގައި ވަނީ އެންމެ ބޮޑު ކޯލިޝަން ކަމަށާއި،  130,000 ވޯޓާއެކު އެއްބުރުން އިންތިޚާބު ކާމިޔާބު ކުރައްވާނެ ކަމަށެވެ.

Advertisement
Allied — Dhen Online (box)

ނަމަވެސް މިއަދު ބޭއްވި ރިޔާސީ އިންތިޚާބުގެ ނަތީޖާ މިހައިތަނަށް ދައްކާ ގޮތުން 94,000 އަށްވުރެ ގިނަ މީހުންގެ ވޯޓާއެކު، އެންމެ ކުރީގައި އުޅުއްވަނީ ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒެވެ.

ދެވަނައިގައި އޮތް ރައީސް ރައީސް ޞާލިޙަށް ލިބިވަޑައިގެންފައިވަނީ 80,000 ވޯޓެވެ.

އަދަދު އަށް ދެއްވި ބަސްދީގަތުމެއްގައި ފައްޔާޟް ވިދާޅުވީ ނަތީޖާ ދައްކާ ގޮތުން ދެވަނަ ބުރަކަށް ދާންޖެހޭ ކަމަށް ބެލެވޭ ކަމަށެވެ.

އަދި އުއްމީދުކުރި ނަތީޖާ ނުލިބުމަކީ ދެރަ ކަމެއް ކަމަށާއި ނަމަވެސް އަނެއްކާ ވެސް އަތުކުރި އޮޅާލައި އިހުނަށްވުރެ ވަރުގަދައަށް "ޖައްސަންޖެހޭ" ކަމަށް ފައްޔާޟް ވިދާޅުވިއެވެ.

ރިޔާސީ އިންތިޚާބުގެ ދެވަނަ ބުރުގެ ވޯޓުލުން އޮންނާނީ، މި ހިނގާ ސެޕްޓެމްބަރު މަހުގެ 30 ‏ވަނަ ދުވަހުއެވެ

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.