Monday, 16 November 2026
Advertisement
Ooredoo — Airfibre (leaderboard)
ޚަބަރު

ސުޕްރީމް ކޯޓުގައި ތިބެން ޖެހޭނީ، ހަތެއް ސުމަކުން ވެރިމީހާއަށް ޕެނަލްޓީ ޖަހައިދޭ ފަނޑިޔާރުންނެއް ނޫން: ޖަމީލު

ސުޕްރީމް ކޯޓުގައި ތިބެން ޖެހޭނީ، ހަތެއް ސުމަކުން ވެރިމީހާއަށް ޕެނަލްޓީ ޖަހައިދޭ  ފަނޑިޔާރުންނެއް ނޫން: ޖަމީލު

ސުޕްރީމް ކޯޓުގައި ތިއްބަވަން ވާނީ، 7-0 އިން ވެރިމީހާއަށް ޕެނަލްޓީ ޖަހައިދޭނެ ފަނޑިޔާރުން ނޫން ކަމަށް ކުރީގެ ނައިބު ރައީީސް ޑރ.މުހައްމަދު ޖަމީލު އަހުމަދު ވިދާޅުވެއްޖެއެވެ.

ޕީޕީއެމް-ޕީއެންސީގެ ރިޔާސީ ކެމްޕެއިނުގައި، ރޭ އާޓިފިޝަލް ބީޗު ސަރަހައްދުގައި ބޭއްވި ޖަލްސާގައި ޖަމީލު ވަނީ އަދުލު އިންސާފުގެ ދާއިރާގެ މިނިވަންކަން ގެއްލި، އިންސާފު ނުލިބޭ މައްސަލައިގައި ކަންބޮޑުވުންފާޅު ކުރައްވައިފައެވެ. އިދިކޮޅު ލީޑަރު، ރައީސް ޔާމީން އަބްދުލްގައްޔޫމްގެ މައްޗަށް އުފުލައިފައިވާ ސިޔާސީ ދަޢުވާތަކާއި ގުޅޭގޮތުން އެމަނިކުފާނު ވިދާޅުވީ، ފާސިޤުންގެ ހެކި ބަސް ބޭނުންކޮށްގެން، ރައީސް ޔާމީނަށް އެކަނި ދަޢުވާ އުފުލިއިރު، އެމްއެމްޕީއާރްސީގެ ބޮޑު ޚިޔާނާތުގެ ތުހުމަތު ކުރެވޭ 270 މީހުން ތިބި ކަމަށެވެ.
"އަޅުގަނޑުމެން ޤަބޫލެއް ނުކުރަން، ދިވެހިރާއްޖޭގެ ދުސްތޫރީ ކޯޓު، ކޮންސްޓިޓިއުޝަނަލް ކޯޓަކީ އެތާގެ ދިވެހި ފަނޑިޔާރުން ބުނާނެ އެއްޗެއް ނެތިގެން، އަހުރެން ވެސް ތާއީދު، އަހުރެން ވެސް ތާއީދު، އަހުރެން ވެސް ތާއީދު، މިއީ އަހަރުމެންނަށް ގަބޫލުކުރެވޭ މިންވަރެއް ނޫން." ފަނޑިޔާރު ގެއަށް ނުފޫޒު އޮތް މިންވަރު ހާމަ ކުރައްވަމުން، ޖަމީލު ވިދާޅުވިއެވެ.
ޖަމީލު އިތުރަށް ވިދާޅުވީ، މިއީ ދިވެހީންނަށް ހައްގު މިންވަރެއް ނޫން ކަމަށާއި، ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު އެކޭ އެއްފަދައިން،  އެކި ދާއިރާތަކުން ޝަރުޢީ އަދި ޤާނޫނީ ދާއިރާއިން ތައުލީމު ހާސިލުކޮށްގެން ތިބި އެތައް ބަޔަކު ރާއްޖޭގައި އެބަތިބި ކަމަށެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.