ހިންމަފުށީ ރިހިބިލިޓޭޝަން ސެންޓަރުން 2 މީހަކު ކޮވިޑަށް ފައްސި ވެއްޖެ

ކ. ހިންމަފުށީ ރިހިބިލިޓޭޝަން ސެންޓަރުން ދެ މީހަކު ކޮވިޑް-19 އަށް ފައްސި ވެއްޖެއެވެ.

Ads by Sosun Fihaara

ހެލްތު އެމަޖެންސީ އޮޕަރޭޝަަން ސެންޓަރު (އެޗްއީއޯސީ) އިން ބުނީ ހިންމަފުށީ ރިހިބިލިޓޭޝަން ސެންޓަރުން 32 އަހަރުގެ ފިރިހެނަކާއި 33 އަހަރުގެ ފިރިހެނަކު ފައްސި ވެފައިވާ ކަމަށެވެ.

އެޗްއީއޯސީން ބުނީ އިތުރަށް ބުނީ ހިންމަފުށީގެ އިތުރުން ރ. ދުވާފަރުން ތިން އަހަރުގެ ކުޑަކުއްޖަކާއި 55 އަހަރުގެ މީހަކު ފައްސި ވެފައިވެ އެވެ. އެ އަތޮޅު ކިނޮޅަހުގައި ހޯމް ކަރަންޓިނުގައި ހުރި ފިލިޕީންސްގެ 53 އަހަރުގެ މީހަކުވެސް ފައްސި ވެފައި ވެއެވެ.

މީގެ އިތުރުން ތ. އޮމަދޫން ދެ އަހަރުގެ ކުޑަކުއްޖަކާއި، 11 އަހަރުގެ ކުއްޖަކާއި ހަތަރު އަހަރުގެ ކުޑަކުއްޖަކު ބައްޔަށް ފައްސި ވެފައި ވެއެވެ. މީގެ އިތުރުން ލ. ގަމުން އަށް އަހަރުގެ ކުއްޖަކާއި އައްޑޫ ސިޓީގެ ހިތަދޫން 24 އަހަރުގެ މީހަކު ވަނީ ފައްސި ވެފައެވެ.