ރައީސް ޞާލިޙުގެ ކޮރަޕްޝަން ނެޓްވޯކްގެ މައްސަލަތައް ތަހުގީގުކޮށް އިންސާފުގެ ކުރިމައްޗަށް ގެންނަންޖެހޭ: އީވާ
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙުގެ ސަރުކާރުން ހިންގާފައިވާ ކޮރަޕްޝަނުގެ މައްސަލަތައް ތަޙްގީގުކޮށް އިންސާފުގެ ކުރިމައްޗަށް ގެންނަންޖެހޭ ކަމަށް ރައްޔިތުންގެ މަޖިލީހުގެ ނައިބު ރައީސް, އީވާ އަބްދުالله ވިދާޅުވެއްޖެއެވެ.
އެކްސްގައި އީވާ ކުރެއްވި ޕޯސްޓެއްގައި ވިދާޅުވެފައިވަނީ، ދަ ޑިމޮކްރެޓްސް އިން އެމްޑީޕީއާއި ވަކިވާންޖެހުނު މައިގަނޑު ސަބަބަކީ ރައީސް ޞާލިޙުގެ ސަރުކާރުން ހުއްޓުމެއްނެތި ހިންގާ ކޮރަޕްޝަނުގެ ސަބަބުންކަމަށާއި، ރައީސް ޞާލިޙުގެ "ނެޓްވޯކް" ގައި މަޖިލީހުގެ މެމްބަރުންނާއި ވަޒީރުންނާއި އެމްޑީންނާއި އަދި އެހެނިހެން ބޭފުޅުންވެސް ހިމެނޭކަމަށެވެ.
އެހެންކަމުން، މި ސަރުކާރުން ރައީސް ޞާލިޙުގެ "ނެޓްވޯކް" ގެ ތެރެއިން ހިންގާ ކޮރަޕްޝަނުގެ އަމަލުތަކާއި، ވައްކަމާއި، މަކަރާއި ހީލަތް ހެދުމުގެ "ނެޓްވޯކް" ތަކުގެ މައްސަލަތައް ތަހްގީގްކޮށް އިންސާފުގެ ކުރިމައްޗަށް ގެންނަން ޖެހޭ ކަމަށް އީވާ ވިދާޅުވިއެވެ.
