ބިލްތައް ނުދައްކައި ހުރުމުގެ ސަބަބުން ބައެއް ހޮސްޕިޓަލްތަކާއި ހެލްތު ސެންޓަރުތަކުގައި ޚިދުމަތްތައް ހުއްޓެމުންދޭ
ހޮސްޕިޓަލްތަކާއި ހެލްތު ސެންޓަރުތަކުގައި ބައެއް ހިދުމަތްތައް އެއްކޮށް ހުއްޓާލަން ޖެހިދާނެ ކަމުގެ ބިރު އެބައޮތް ކަމަށް އިންތިހާބީ ރައީސުލްޖުމްހޫރިއްޔާގެ ތަރުޖަމާނު މުޙައްމަދު ފިރުޒުލް ވިދާޅުވެއްޖެއެވެ.
މިއަދު ނޫސްވެރިންނާއި ބައްދަލުކުރައްވައި ދެއްކެވި ވާހަކައިގައި ފިރުޒުލް ވަނީ ސިއްހީ ނިޒާމުގެ ތެރެއިން ފާހަގަ ކުރެވުނު ބައެއް ކަންބޮޑުވުންތައް ހިއްސާ ކުރައްވައިފަ އެވެ. އެގޮތުން، ލެބޯރެޓަރީގައި ބޭނުންކުރާ ކެމިކަލާއި ސިރިންޖު ފަދަ އެއްފަހަރު ބޭނުންކޮށްފައި އުކާލަންޖެހޭ ސާމަނަކީ ވަކި އުސޫލަކުން އޯޑަރުކޮށް، ސްޓޮކް ބަލަހައްޓަމުން ގެންދަންޖެހޭ ތަކެއްޗައް ވާއިރު އެގޮތަށް އަމަލު ކުރަމުން ނުދާކަމަށް ފިރުޒުލް ފާހަގަކުރައްވައިފައިވެއެވެ.
އަދި އެފަދަ ސާމާނަށް ކޮންމެ އަހަރަކު ދެ ފަހަރު ޕީއޯ ރެއިޒް ކުރަމުން ދިޔަ ނަމަވެސް މި އަހަރުގެ މިހާތަނަށް އައި އިރު ވެސް މި އަހަރުގެ ދެވަނަ ހަ މަސް ދުހަވަށް ބޭނުންވާ ސާމާނަށް ޕީއޯ ނުވަތަ އޯޑާ ރެއިސް ކޮށްފައެއް ނުވާކަމަށްވެސް ފިރުޒުލް ވިދާޅުވިއެވެ.
"އޭގެ ސަބަބުން ފާހަގަ ކުރެވޭ ހޮސްޕިޓަލްތަކާއި ހެލްތު ސެންޓަރުތަކުގައި ހިދުމަތްތައް ހުއްޓެމުންދާ ތަން،... ވަރަށް ބޮޑަށް ފާހަގަކުރެވޭ ކަމަކީ މި ހާލަތު މިގޮތަށް ދެމިގެން ގޮސްފި ނަމަ ނޮވެމްބަރު މަހާ ހަމައަށް އަންނައިރު ހޮސްޕިޓަލްތަކާއި ހެލްތު ސެންޓަރުތަކުގެ ވަރަށް ގިނަ ހިދުމަތްތައް އެކީ އެކައްޗަކަށް ހުއްޓުމަށް އައުމަކީ އެކަށީގެންވާ ކަމެއް. އެ ކަންބޮޑުވުން އަޅުގަނޑުމެންނަށް ވަރަށް ބޮޑަށް ފާހަގަކުރެވޭ." ފިރުޒުލް ވިދާޅުވިއެވެ.
މީގެ އިތުރުން، އިމެޖެންސީ ސްޓޮކްގައި ހުރި ސާމާނު ބޭނުންކޮށްގެން ހޮސްޕިޓަލްތަކާއި ހެލްތު ސެންޓަރުތަކުން މިހާރު ޚިދުމަތްތައް ދެމުން ގެންދަން ޖެހިފައިވާކަން ފާހަގަކުރައްވަމުން ފިރުޒުލް ވިދާޅުވީ މިހައިތަނަށް ސާމާނަށް އޯޑަރު ނުކޮށް މަޑުޖައްސާލާފައިވަނީ އެކަމަށް ބޭނުންވާ ފައިސާ ހަމަނުޖެހި އޮތުމުން ކަމަށް މަޢުލޫމާތު ލިބިވަޑައިގަންނަވާ ކަމަށެވެ.
ހަމައެއާއެކު، ސަރުކާރުގެ އެންމެ ބޮޑު ހޮސްޕިޓަލް ކަމުގައިވާ އައިޖީއެމްއެޗްގައި ޤާއިމްކޮށްފައިވާ ހިތުގެ އަދި ނާރުގެ ބަލީގެ ސެންޓަރަށް ހިދުމަތް ފޯރުކޮށްދެމުންދާ ބޭރުގެ ކުންފުންޏަށް ފައިސާ ނުދޭތީ ބޮޑު ބިލެއް އެކަމަށްވެސް އޮތްއިރު އެއީ ޖުމްލަ 5.3 މިލިއަން ޑޮލަރު ކަން ފިރުޒުލް ހާމަކުރެއްވިއެވެ.
"މި ބިލްތައް ނުދައްކައި ހުރުމުގެ ސަބަބުން މި ސެންޓަރުތަކުގެ ޚިދުމަތް ވެސް ހުއްޓިދާނެ ކަމީ އެއީ އަޅުގަނޑުމެން ކަންބޮޑުވާ ކަމެއް،" ފިރުޒުލް ވިދާޅުވިއެވެ.
އައިޖީއެމްއެޗްގައި ބަޖެޓްގެ ދަތިކަން ވަރަށް ބޮޑުކަން ފާހަގަކުރައްވަމުން ފިރުޒުލް ވިދާޅުވީ، މި އަހަރުގެ ބާކީ ދުވަސްތަކަށް ފައިސާ ހަމަޖެހިފައިވަނީ ހަމައެކަނި މުވައްޒަފުންގެ މުސާރަ އަށް ކަމަށާއި ތަނުގެ މަރާމާތާއި މެޝިންތަކުގެ މާރާމާތުގެ މަސައްކަތްތައް ވެސް ފައިސާ ނެތްކަމަށެވެ. އަދި މީގެ ސަބަބުން ޚިދުމަތްތައް ހުއްޓުމަކަށް އައިސްފައިވާ ކަމަށް ފިރުޒުލް ވިދާޅުވިއެވެ.
ދިވެހިދައުލަތުގެ ސިޔާސަތަކީ ސުލްހަ، ދިވެހިންނަކީ ސުލްހައަށް ނަމޫނާ ދައްކާ ބަޔެއް، މިތާގައި ހަގުރާމައެއް ނުހިގާ ބޭރުގެ ޗޯކީ ދާރު ސިފައިން ތިބޭކަށް ނުޖެހޭ، އަޅުގަޑުމެންގެ އާމްދަނީވެސް ލިބެނީ ކުޑަ އާމްދަނީއެއް ބޮޑު ލަޝްކަރެއް ބަލަހައްޓަން ފައިސާއެއްނެތް، އަޅުގަޑުމެންގެ ގޭ ބަލަހައްޓަން ކޮންމެހެން ބޭރުގެ ޗޯކީދާރުން ނެތަސް ގޭ ބެލެހެއްޓިދާނެ !