މިދުވަހަކީ އޭރުގެ ރަދުން އިސްލާމްވި ދުވަސް: ރައީސް ނަޝީދު
ރާއްޖެ އިސްލާމްވިތާ މިއަދު 897 އަހަރު ފުރޭއިރު މިދުވަހަކީ އޭރު ރާއްޖޭގައި ހުންނެވި ރަސްކަލުން އިސްލާމްވެވަޑައިގެންނެވި ދުވަސްކަމަށާއި ހުރިހާ ދިވެހި ރައްޔިތުން އިސްލާމްވެވަޑައިގަތީ އެދުވަހު ނޫންކަމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު އެކްސްގައި ކުރެއްވި ޕޯސްޓެއްގައި ހުރިހައި ދިވެހީންނަށް މިދުވަހުގެ ތަހުނިޔާ އަރިސްކުރައްވަމުން ވިދާޅުވެފައިވަނީ "މުޅި ރާއްޖޭގެ ހުރިހައި ރައްޔިތުން އިސްލާމްދީން ބަލައިގަތީ އެއްދުވަހަކު ނޫން" ކަމަށެވެ.
ތާރީޚުން ސާބިތުވާ ގޮތުގައި ދިވެހިރާއްޖެ އުފެދުނީއްސުރެ ﷲ ފިޔަވައި ނުޙައްޤު އިލާހުންނަށް އަޅުކަން ކުރަމުން އަދި ދިވެހި ރައްޔިތުންނަށް އިސްލާމް ދީނުގެ ހިދާޔަތުގެ ރަޙުމަތް މާތް ﷲގެ ދީލަތިކަމުން މިންވަރު ކޮށްދެއްވީ ހިޖުރައިން 548 ވަނަ އަހަރުގެ ރަބީއުލްއާޚިރު މަހުގެ ދެވަނަ ދުވަހުގައެވެ. ނުވަތަ އެ މަހުގެ ތެރޭގައެވެ.
ރާއްޖެ އިސްލާމްވީ ދުވަހުގެ ގޮތުގައި ދިވެހި ދައުލަތުން މި ދުވަސް ފާހަގަކުރައްވާން އެންމެ ފުރަތަމަ ފެއްޓެވީ ހިޖުރައިން 1374 ވަނަ އަހަރުގައެވެ. އެއީ ރާއްޖޭގެ ފުރަތަމަ ޖުމްހޫރިއްޔަތު އިންޤިލާބަކުން ބަދަލުކޮށްލި ފަހުން އައި ދުވަސްވަރެވެ. ދެވަނަ ޖުމުހޫރިއްޔަތެއް ޤާއިމު ކުރެވެންދެން މިކަން ދެމިގެން އައެވެ.
މި ގޮތުގެ މަތީން ނުވަތަ ބައެއް ބަދަލުތަކާއެކު ނަމަވެސް 14 ވަރަކަށް އަހަރު ވަންދެން މި ދުވަސް ފާހަގަކުރުމަށްފަހު، މި ދުވަސް ފާހަގަކުރުން ހުއްޓައިލެވުނެވެ. ސަބަބެއް ނޭނގެއެވެ. އަލުން މި ދުވަސް ފާހަގަކުރައްވާން ފެއްޓެވީ ދެވަނަ ޖުމްހޫރިއްޔަތުގެ ދެވަނަ ރައީސް މައުމޫން ޢަބްދުލްޤައްޔޫމުގެ ޒަޢާމަތުގައި މީލާދީން 2000 ވަނަ އަހަރުން ފެށިގެންނެވެ.
އެއީ ޑޭވިޑް ހާޑިން ހަމް މާލެގެނެސްގެން ކްރިސްޓިއަންދީމް މާލޭގަ ފަތުރަން ހުރި ދުވަހުން ދުވަހެއްތަ؟ ޑޭވިޑް ހާޑިން ޑީޕޯޓް ކޮށްފަ ހުއްތާ މާލެގެނެސްގެން ރައީސް އޮފީހުގަ ގެންގުޅުމުންއެގޭ މާލޭގަ ކްރިސްޓިއަންދީން ފަތުރަންއުޅުނީ މި ނަސީދު ކަން.