އިޒްރޭލުގެ މީހުން ރާއްޖެ ނައުމަށް އަންގައިފި
ރާއްޖެ އިން ފަލަސްތީނަށް ތާއީދުކޮށް، ދިވެހިން ތިބީ އެ ގައުމާ އެކު ކަމަށް ހާމަކުރަމުން އަންނާތީ، އިޒްރޭލުގެ މީހުން ރާއްޖެއަށް ދަތުރު ނުކުރުމަށް އެ ޤައުމުގެ ފޮރިން މިނިސްޓްރީން އަންގައިފިއެވެ.
އިޒްރޭލުގެ ފޮރިން މިނިސްޓްރީން ނެރުނު ބަޔާނުގައި ބުނެފައިވަނީ އެ ގައުމާ ދެކޮޅު ހަރަކާތްތައް ރާއްޖޭގައި ވަރުގަދަވަމުން އަންނަ ކަމަށާއި މި ދަނޑިވަޅުގައި އިޒްރޭލުގެ މީހުން ރާއްޖެ އަށް ދަތުރު ނުކުރުމަށް އަންގާ ކަމަށެވެ.
އިސްރާއިލުގެ ރައްޔިތުން ރާއްޖެ ނާންނަން އަންގާފައިވާއިރު އިސްރާއީލުން ދެމުންދާ ލާއިންސާނީ ހަމަލާތަކުގައި ހާލުގައި ޖެހިފައިވާ ފަލަސްތީނުގެ ރައްޔިތުންނަށް އެހީތެރިވުމުގެ ގޮތުން ދިވެހިންގެ ފަރާތުން ފައިސާގެ އެހީތެރިކަން ވެސް ދަނީ ފޯރުކޮށްދެމުންނެވެ.
އިސްރާޢީލުން ފަލަސްދީނަށް ދެމުންގެންދާ އުދުވާނީ ހަމަލާތަކުގައި ހާލުގައި ޖެހިފައިވާ މުސްލިމުންނަށް އެހީތެރިވުމަށް އިންޓަނޭޝަނަލް އެއިޑް ކެމްޕެއިނުން ވަނީ ފަންޑެއް ހުޅުވާފައެވެ. މީގެ އިތުރުންވެސް ފަލަސްތީނުގެ ރައްޔިތުންނަށް އެހީ ހޯދުމަށް ތަފާތު އެކި ހަރަކާތްތައްވެސް އެ ޖަމާއަތުން ދަނީ ހިންގަމުންނެވެ.
ފަތުރުވެރި ނަޔަސް އަޅުގަޑުމެން އުޅޭނަން، ކޮވިޑް ދުވަސްވަރުވެސް ފަތުރުވެރިން ނާދޭ އަޅުގަޑުމެން ކައިބޮއިގެން އުޅުނީ ﷲ ގެރަހުމަތުން، ރިޒުޤު ދެއްވަނީ ﷲ !