ފިލްމީ ދުނިޔެއިން ބްރޭކެއް ނަގައި، ސީޒަން ވެސް މަޖިލީހަށް

ރާއްޖޭގައި ނަން މަޝްހޫރު އެކްޓަރު، އަންނަ އަހަރު ބާއްވާ މަޖިލިސް އިންތިޚާބުގައި ވާދަ ކުރަން ނިންމައިފިއެވެ.
ނިމިދިޔަ ރިޔާސީ އިންތިޚާބުގެ ކެމްޕެއިނުގައި އޭނާ ވަނީ، ޕީއެންސީގެ ފަރާތުން ވާދަކުރެއްވި ޑރ.މުޙައްމަދު މުޢިއްޒުއަށް ތާއީދުކޮށް ކެމްޕެއިނުގައި ވެސް އުޅެފައެވެ.
އޮންލައިން ނޫސް "ދަ ޕްރެސް" އަށް މައުލޫމާތު ދެމުން ސީޒަން ބުނީ، ފިލްމީ އިންޑަސްޓްރީއިން ބްރޭކް ނެގީ މަޖިލީހަށް ކުރިމަތި ލާތީ ކަމަށާއި މިގޮތުން ޕީޕީއެމް / ޕީއެންސީގެ ޓިކެޓުގައި ތުލުސްދޫ ދާއިރާއަށް ކުރިމަތިލާން ނިންމާފައިވާ ކަމަށެވެ.
ސީޒަން އިތުރަށް ބުނީ، ފިލްމީ ދާއިރާގައި ވެސް ގިނަ މަސައްކަތްތަކެއް ކޮށްފައިވަނީ ރަށްފުށުގައި ކަމަށެވެ. އަދި ރަށްތަކުގެ މީހުންނާ އަބަދުވެސް ވަރަށް ގާތް ގުޅުމެއް އޮންނަ ކަމަށެވެ.
ސީޒަން ދިވެހި ފިލްމު އިންޑަސްޓްރީ އިން ބްރޭކެއް ނަގަން ނިންމިކަން މީގެ ކުރިން ހާމަ ކުރިއިރު، އެއީ މަޖިލިސް އިންތިޚާބުގައި ވާދަ ކުރުމަށް ކަމެއް އޭރު ބުނެފައެއް ނުވެއެވެ.
މަޖިލީހުގެ ހުޅުހެންވޭރު ދާއިރާގެ ކުރީގެ މެމްބަރު މޫސާ މަނިކު(ރީކޯ) މޫސަ އަކީ ވެސް ފިލްމީ ދާއިރާއިން މަގުބޫލުކަން ހޯދުމަށް ފަހު މަޖިލީހުގެ ގޮނޑި ކާމިޔާބު ކުރެއްވި ފަރާތެކެވެ. ސީޒަން ބުނީ، އޭނާއަށް ވެސް ކާމިޔާބުވާނެ ކަމަށެވެ.



.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.