Monday, 16 November 2026
Advertisement
Ooredoo — Airfibre (leaderboard)
ޚަބަރު

ޝަހީދުގެ ހަމްދަރުދީ އިޒްރޭލަށް

ޝަހީދުގެ ހަމްދަރުދީ އިޒްރޭލަށް
ފަލަސްތީނާއިއެކު ތިބިކަން ދިވެހީން ހާމަ ކުރަމުންދަނިކޮށް، ރީގެ ފޮރިން މިނިސްޓަރު ޑރ. އަހުމަދު ޝަހީދު، އަނިޔާވެރި ޔަހޫދީ އިސްރާއިލަށް ތާއިދުކުރާކަން ދައްކައިފިއެވެ. މީސްމީޑިއާގައި ދައުރުވަމުން އަންނަ ވީޑިއޯއެއްގައި ޝަހީދު ވަނީ ފަލަސްތީނުގެ ރައްޔިތުންގެ ހައްގުގައި މަސައްކަތް ކުރަމުން އަންނަ ހަމާސް ޖަމާއަތަކީ ނިރުބަވެރި ޖަމާއަތެއްގެ ގޮތުގައި ސިފަ ކޮށްފައެވެ.
އޭނާ މިހެން ބުނާ ވީޑިއޯއެއް އާއްމުކޮށްފައިވަނީ އެކްސްގައެވެ.
ފާޑުކިޔުންތަކާ ހެދި، އެ ވީޑިއޯ މިހާރު ޑިލީޓްކޮށްލާފައި ވީނަމަވެސް ބައެއް މީސްމީޑިއާ ޕްލެޓްފޯމުތަކުގައި އެ ވީޑިއޯ ދަނީ ދައުރުވަމުންނެވެ.
އެ ވީޑިއޯގައި ޑރ. ޝަހީދު ވަނީ ދުނިޔޭގެ އެކި ކަންކޮޅުތަކުގައި ދިރިއުޅޭ ޔަހޫދީންނާ ދެކޮޅަށް ހިންގާ ނަސްލީ ތަފާތުކުރުންތަކާއި ދެކޮޅަށް މިވީ ހަ ވަރަކަށް އަހަރު އޭނާ މަސައްކަތްކޮށްފައިވާ ކަމަށާއިޑ ސްރާއީލުގެ ޔަހޫދީން މިހާރު ތަހައްމަލު ކުރަމުންދާ ތަޖުރިބާތައް އިހުސާސް ވެސް ކޮށްލަން ދަތި ކަމަށް ބުނެފައެވެ. އަދި ހާއްސަކޮށް ޔަހޫދީންގެ ތެރެއިން މުޅި އާއިލާ އެއްކޮށް ގެއްލުނު ފަރާތްތަކަށް ބަލާއިރު ހާހަކަށްވުރެ ގިނަ ކަމަށާއި، އެއީ ބަލައިގަނަވޭނެ ކަމެއް ނޫން ކަމަށްވެސް ވަނީ ބުނެފައެވެ. ޝަހީދު ޔަހޫދީންނާއިއެކުގައިވާ ކަމަށް ބުނިއިރު، އިޒްރޭލުން ވަނީ މިހައިތަނަށް 4،000އަށްވުރެ ގިނަ ފަލަސްޠީނުގެ ރައްޔިތުން ޝަހީދު ކޮށްލާފައެވެ. އިޒްރޭލުގެ އަނިޔާވެރިކަން އެތައް ބަޔަކު ދަނީ ކުށްވެރިކުރަމުންނެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.