Tuesday, 17 November 2026
Advertisement
Ooredoo — Airfibre (leaderboard)
ޚަބަރު

އަމީނީ މަގު ސަރަހައްދުން މިރޭ ހަ ގަޑިއިރަށް ފެން ކަނޑައިލަނީ

އަމީނީ މަގު ސަރަހައްދުން މިރޭ ހަ ގަޑިއިރަށް ފެން ކަނޑައިލަނީ
އަމީނީ މަގުގެ ތާރު އެޅި ސަރަހައްދުގައި ފެން ހޮޅިތަކުގެ މަސައްކަތެއް ކުރުމަށްޓަކައި އެ ސަރަހައްދުން ހަ ގަޑިއިރަށް ފެން ކަމަށް، އެމްޑަބްލިއުއެސްސީން ބުނެފިއެވެ. މިކަން ހާމަކޮށް އެމްޑަބްލިއުއެސްސީން ބުނީ، "މާލެ ސްޓްރީޓް ސްކޭޕިން ޕްރޮޖެކްޓް"ގެ ދަށުން އަމީނީ މަގުގައި ކުރިން އަޅާފައިވާ ފެން ހޮޅި އާއި މިހާރު އަލަށް އަޅާފައިވާ ފެން ހޮޅި ގުޅާލުމުގެ މަސައްކަތް މިރޭ ކުރާނެ ކަމަށާއި، އެ މަސައްކަތް ކުރާ ސަރަހައްދަކީ އަމީނީ މަގުގައި މުނި ހޯމް ކެއާ ފަރުނީޗަރު ހުންނަ ސަރައްހައްދެވެ.
އެހެންކަމުން، ރިޔާސީ ހިނގުމާއި އިއްޒުއްދީން ހިނގުމާއި ދެމެދުން އަމީނީ މަގުގައި ހިމެނޭ ގޭބިސީތަކުން މިރޭ 11 އިން ފެށިގެން ފަތިހު 5 އަށް ފެން ކެނޑޭނެ ކަމަށް އެ ކުންފުނިން ބުންޏެވެ.
ޒަމާނީ ފެންވަރަކަށް އަމީނީ މަގު ތަރައްގީކުރުމުގެ މަސައްކަތާ މިދިޔަ އަހަރުގެ ޖުލައި މަހު ހަވާލުވެ، އާރުޑީސީން އެ މަޝްރޫޢު ފެށީ މިދިޔަ ސެޕްޓެމްބަރު މަހުގެ 12 ގައެވެ. އެ މަސައްކަތް ފަށާފައި ވަނީ 210 ދުވަހުގެ ތެރޭގައި އަމީނީ މަގު ތަރައްގީކޮށް ނިންމާލާ ގޮތަށެވެ. 84 މިލިއަން ރުފިޔާ އަށް ޕްލޭނިން މިނިސްޓްރީން އާރުޑީސީ އާ އެ މަސައްކަތް ހަވާލުކުރީ 39 މިލިއަން ރުފިޔާ އަށް މާލެ  ސިޓީ ކައުންސިލުން އަމީނީ މަގު ހަދައިދޭނެ ކަމަށް ބުނެފައި ވަނިކޮށެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.