އަމީނީ މަގު ސަރަހައްދުން މިރޭ ހަ ގަޑިއިރަށް ފެން ކަނޑައިލަނީ
އަމީނީ މަގުގެ ތާރު އެޅި ސަރަހައްދުގައި ފެން ހޮޅިތަކުގެ މަސައްކަތެއް ކުރުމަށްޓަކައި އެ ސަރަހައްދުން ހަ ގަޑިއިރަށް ފެން ކަމަށް، އެމްޑަބްލިއުއެސްސީން ބުނެފިއެވެ.
މިކަން ހާމަކޮށް އެމްޑަބްލިއުއެސްސީން ބުނީ، "މާލެ ސްޓްރީޓް ސްކޭޕިން ޕްރޮޖެކްޓް"ގެ ދަށުން އަމީނީ މަގުގައި ކުރިން އަޅާފައިވާ ފެން ހޮޅި އާއި މިހާރު އަލަށް އަޅާފައިވާ ފެން ހޮޅި ގުޅާލުމުގެ މަސައްކަތް މިރޭ ކުރާނެ ކަމަށާއި، އެ މަސައްކަތް ކުރާ ސަރަހައްދަކީ އަމީނީ މަގުގައި މުނި ހޯމް ކެއާ ފަރުނީޗަރު ހުންނަ ސަރައްހައްދެވެ.
ޒަމާނީ ފެންވަރަކަށް އަމީނީ މަގު ތަރައްގީކުރުމުގެ މަސައްކަތާ މިދިޔަ އަހަރުގެ ޖުލައި މަހު ހަވާލުވެ، އާރުޑީސީން އެ މަޝްރޫޢު ފެށީ މިދިޔަ ސެޕްޓެމްބަރު މަހުގެ 12 ގައެވެ.
އެ މަސައްކަތް ފަށާފައި ވަނީ 210 ދުވަހުގެ ތެރޭގައި އަމީނީ މަގު ތަރައްގީކޮށް ނިންމާލާ ގޮތަށެވެ.
84 މިލިއަން ރުފިޔާ އަށް ޕްލޭނިން މިނިސްޓްރީން އާރުޑީސީ އާ އެ މަސައްކަތް ހަވާލުކުރީ 39 މިލިއަން ރުފިޔާ އަށް މާލެ ސިޓީ ކައުންސިލުން އަމީނީ މަގު ހަދައިދޭނެ ކަމަށް ބުނެފައި ވަނިކޮށެވެ.
