ހަފްތާ14: ވައުދު ފުރަތަމަ ކަމަކަށް ރާއްޖެއިން ބޭރުގެ ސިފައިން ބޭލުން
ރައީސް ޑރ. މުޙައްމަދު މުޢިއްޒުގެ 100 ދުވަހުގެ ވައުދުގެ ފުރަތަމަ ކަމަކަށް, ރާއްޖޭގައި ތިބި ބޭރުގެ ސިފައިން ޤައުމުން ބޭރުކުރުން ހިމަނައިފިއެވެ.
ވެރިކަމުގެ ފުރަތަމަ 100 ދުވަހުގެ ތެރޭގައި ކުރައްވަން ވައުދުވެ ވަޑައިގެންފައިވާ ކަންކަން މިރޭ ދަރުބާރުގޭގައި ބޭއްވި ރަސްމިއްޔާތެއްގައި ޑރ. މުޢިއްޒު ވަނީ އިފްތިތާޙްކޮށްދެއްވާފައެވެ. އެގޮތުން 8 ދާއިރާއަކުން ޖުމްލަ 161 ވައުދެއް ޑރ. މުޢިއްޒު ވަނީ ވެވަޑައިގެންފައެވެ.
އެގޮތުން ވައުދު ލިސްޓުގެ އެންމެ ކުރީގައި އޮތީ, މިނިވަންކަމާއި ސިޔާސަތުގެ ދާއިރާއެވެ. މި ދާއިރާއިން ޖުމްލަ 3 ވައުދެއް ވަނީ ޑރ. މުޢިއްޒު ވެވަޑައިގެންފައެވެ.
- ދިވެހިރާއްޖޭގައި ތިބި ބޭރުގެ ސިފައިން ބޭލުމުގެ މަސައްކަތް ފެށުން
- ނިމިދިޔަ ސަރުކާރުން އެހެން ޤައުމުތަކާއެކު ވެފައިވާ ސިއްރު އެއްބަސްވުންތަކުގައި ދިވެހިރާއްޖޭގެ މިނިވަންކަމާއި ސިޔާދަތަށް ނުކުރައްކާވާތެރި ގޮތަށްހުރި ނުކުތާތައް އުވާލުމުގެ މަސައްކަތް ފެށުން.
- ދިވެހިރާއްޖޭގެ އީއީޒެޑްގެ ތެރެއިން ދެކުނު ކަނޑުގެ ސަރަހައްދުން ބައެއް ގެއްލޭ ގޮތަށް އިންޓަރނޭޝަނަލް ޓްރައިބުނަލް އޮފް ލޯ އޮފް ދަ ސީ އިންކޮށްފައިވާ ޙުކުމް އިސްތިއުނާފް ކުރުން
100 ދުވަހުގެ ވަޢުދުތަކުގެ ތެރޭގައި ދެން ހުރި ދާއިރާތަކަކީ އިސްލާމްދީނާއި ޤައުމިޔައްތު, ގެދޮރުވެރިކަމާއި އުމްރާނީ ތަރައްޤީ, އިޤްތިޞާދާއި ތިމާވެށި, (އަންހެނުން, ޒުވާނުން, ފަންނިއްޔާތު އަދި ކުޅިވަރު), ސިއްޙީ ދުޅަހެޔޮކަމާއި އޯގާތެރި މުޖުތަމައު, ތައުލީމާއި ތަމްރީން, ސަރުކާރުގެ ސިޔާސަތާއި ޤާނޫނީ އިސްލާޙެވެ.
އޭސީސީ އަކީ އެއީ ޝަރުއީ ކޯޓެއް ނޫނޭ މިހާތަނަށް އޭސީސީން ހުއްޓުވާފައި ހުރި މަސައްކަތް ތައް އަލުން ފެށުމުގެ ދޭތެރޭގައި 10 އަހަރު ހޭދަ ވުމުން އެއިން އެއްވެސް މައްސަލަ އެއް ސާބިތު ނުވޭ ހުރިހާ ގެއްލުމެއް ލިބުނީ ރައްޔިތުންނަށް އޭސީސީން މަައްސަލަ އެއް އޮވެެއްޖެނަމަ ދާނީ ޝަރުއީ ކޯޓަށޭ ގާނޫނީ ރައީސަކު ރައްޔިތުންނަށް ވެފައިވާ ވައުދު ފުއްދާތީވެ އެކަމަށް ހުރަސް ނޭޅޭނެއޭ ނޭޅޭނެއޭ ނޭޅޭނެއޭ އޭސީސީ މިހާ ދުވަހު ކޮބާ އޭސީސީ މަހަށްދޭބަލަ މަހަށް މަހަށް މަހަށްދޭބަލަ