Sunday, 15 November 2026
Advertisement
HDC — Share-Below (leaderboard)
ޚަބަރު

ޞަލާޙުއްދީން ސްކޫލްގައި ގްރޭޑް އެކެއްގައި ކިޔަވާ ދަރިވަރަކަށް ބުލީ ކުރި މައްސަލައެއް ބަލަނީ

ޞަލާޙުއްދީން ސްކޫލްގައި ގްރޭޑް އެކެއްގައި ކިޔަވާ ދަރިވަރަކަށް ބުލީ ކުރި މައްސަލައެއް ބަލަނީ

ހުޅުމާލޭގެ ދެވަނަ ފިޔަވަހީގައި ހުންނަ ޞަލާޙުއްދީން ސުކޫލްގެ ގްރޭޑް އެކެއްގައި ކިޔަވަމުންދާ ކުއްޖަކަށް "ބުލީ" ކުރި މައްސަލައެއް އެޑިއުކޭޝަން މިނިސްޓްރީން ބަލަން ފަށައިފިއެވެ.

ކުއްޖާއަށް ބުލީ ކުރުމުގެ މައްސަލައިގެ ކަންބޮޑުވުން ފާޅުކޮށް ކުއްޖާގެ މަންމަ ސޯޝަލް މީޑިއާގައި ލިޔެފައިވާ މެސެޖެއްގައި ބުނެފައިވަނީ، ސްކޫލު ތެރޭގައި ކުއްޖާއަށް ބުލީކުރާތާ ދުވަސްކޮޅެއްވެފައިވާއިރު، މައްސަލަ ބޮޑުވެ ކުއްޖާއަށް ޖިސްމާނީ ގޮތުންނާއި ނަފްސާނީ ގޮތުން އަނިޔާ ލިބެމުންދާ ކަމަށެވެ. ބުލީ ކުރި ކުދިން ވަނީ އެ ކުއްޖާގެ ބޯވެސް ކޮށައިލައިފައެވެ.

ކުއްޖާ އަށް ބުލީ ކުރަމުން ދިޔައީ އެއް ކުލާހުގައި ކިޔަވަމުން ދިޔަ ދަރިވަރުންތަކެކެވެ. މި ކުދިން ބުލީ ކުރާތީ، ކުއްޖާއަށް ކުރާ އަސަރުން، ސްކޫލުން ގެންނައިރު ބޮޑުކަމުދެވިފައި ހުންނަ ކަމަށާއި، މިކަމުގެ ސަބަބުން ސްކޫލަށް ދާން ވެސް ކުއްޖާ ބޭނުން ނުވާ ކަމަށް، ކުއްޖާގެ މަންމަ ކުރި ޕޯސްޓުގައިވެއެވެ. މި މައްސަލައިގައި ކުލާސް ޓީޗަރަށް ހުރިހައި ކަމެއް ކިޔައިދިނުމުން އެއީ އެ ކުއްޖާ އަމިއްލައަށް ކުރާ ކަންތައްތަކެއް ކަމަށް ޓީޗަރު ތުހުމަތު ކުރިއިރު، ޓީޗަރު ދައްކާ ވާހަކަތަކަށް ސްކޫލު ޕްރިންސިޕަލާއި ޑެޕިއުޓީ ޕްރިންސިޕަލް ތާއީދު ކުރި ކަމަށްވެސް ބުނެފައިވެއެވެ. އަދި ކުއްޖާއަށް "ބުލީ" ކުރީ ހައިޕަރ އެކްޓިވް ކުދިންތަކެއް ކަމަށް ވެސް ޓީޗަރުން ބުނެފައިވާ ކަމަށް މަންމަ ކުރި ޕޯސްޓުގައިވެއެވެ. ބުލީގެ ޝިކާރައަކަށްވި ކުއްޖާ ވަނީ އޭނާ އަށް ބުލީ ކުރި ކުއްޖާގެ ނަންވެސް ބުނެފައެވެ. އެންމެފަހުން ބުލީ ކުރި ކުއްޖާގެ ބެލެނިވެރިޔާ ވަނީ، ބުލީގެ ޝިކާރައަކަށްވި ކުއްޖާގެ މަންމައަށް ގުޅައި، މަޢާފަށް ވެސް އެދިފައެވެ. އަދި އެ ކުއްޖާގެ ބޯ ކޮށައިލި ކަމަށް ދަރިފުޅު އެއްބަސްވިކަން ވެސް އެ ބެލެނިވެރިޔާ ފާހަގަކުރި ކަމަށް ބުނެފައިވެއެވެ. އެޑިއުކޭޝަނުން މި މައްސަލަ ބަލަމުންދާކަން ހާމަކުރިއިރު، މިކަމުގެ އިތުރު ތަފްސީލެއް ނުދެއެވެ.  

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.