Wednesday, 18 November 2026
Advertisement
Ooredoo — Airfibre (leaderboard)
ޚަބަރު

ކްރޫޒް ލައިނާ ކެންސަލް ކުރަން ފެށުމުން ކުރީ ސަރުކާރުން ހެދި ޤަވާއިދު އިސްލާޙް ކުރަނީ

ކްރޫޒް ލައިނާ ކެންސަލް ކުރަން ފެށުމުން ކުރީ ސަރުކާރުން ހެދި ޤަވާއިދު އިސްލާޙް ކުރަނީ

ރޫޒްލައިނާ ޤަވާއިދަށް މިދިޔަ ސެޕްޓެމްބަރު މަހު ގެނައި އިސްލާހު ބަދަލު ކުރުމުގެ މަސައްކަތް ސަރުކާރުން ކުރަމުންދާ ކަަމަށް ޓުއަރިޒަމް މިނިސްޓަރ އިބްރާހިމް ފައިސަލް ހާމަކުރައްވައިފިއެވެ.

މިނިސްޓަރ ފައިސަލް މިކަން ހާމަކޮށް ވިދާޅުވީ މިދިޔަ ސަރުކާރުން ހެދި ޤަވާއިދު އިސްލާހު ކުރުމުގެ މަސައްކަތް ފަށާފައިވާ ކަމަށާއި، ދާދި އަވަހަށް މިހާރު ކުރިމަތިވާ ދަތިތަކަށް ހައްލެއް ލިބިގެން ދާނެ ކަމަށެވެ.

ކްރޫޒް ލައިނާ ޤަވާއިދަށް އިސްލާހު ގެންނަން ސަރުކާރުން ނިންމާފައިވާއިރު، މިމަހު ޢަމަލު ކުރަން ފެށި މި ޤަވާއިދުގެ ދަށުން ކޮންމެ ފަސިންޖަރުން ހޭދަ ކުރާ ކޮޓަރިތަކުން 16 އިންސައްތަ ޖީއެސްޓީ ނެގޭ ގޮތަށް ވަނީ ހަދާފައެވެ. މިއާއެކު ދައްކަން ޖެހޭ ފީ ބޮޑުވެފައިވާއިރު، މިކަމުގެ ކަންބޮޑުވުން މޯލްޑިވްސް އެސޯސިއޭޝަން ފޯ ޔޮޓް އޭޖެންޓްސް، މާޔާ މޯލްޑިވްސްއިން ވަނީ ފާޅުކޮށްފައެވެ.

Advertisement
Ooredoo — Square (box)

މިކަމާއި ގުޅިގެން މާޔާ މޯލްޑިވްސް އިން ވަނީ ރާއްޖެ އަށް މިއަދު އައުމަށް ތާވަލު ކޮށްފައި އޮތް "ފްރެޑް އޮލްސަން ބޮލެޓް" ބޯޓު ވެސް ކެންސަލް ކޮށްފައިވާކަން ހާމަކޮށްފައެވެ. މީގެ އިތުރުން ކުރިއަށް އޮތްތަނުގައި ކްރޫޒްލައިނާތައް ރާއްޖެއަށް އައުން ހުއްޓިދާނެ ކަމުގެ ކަންބޮޑުވުން މާޔާ މޯލްޑިވްސްއިން ފާޅުކުރެއެވެ.

ރާއްޖެއަށް އައުމުގެ ބަދަލުގައި އެހެން ޤައުމުތަކަށް ކްރޫޒްލައިނާ ދާއިރު، ޓުއަރިޒަމް ދާއިރާގެ ބޮޑު އާމްދަނީއެއް ކްރޫޒްލައިނާތަކުން ހިއްސާ ކުރާކަން މާޔާ މޯލްޑިވްސްއިން ފާހަގަކުރެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.