އާދަމް ޝަރީފަށް ރުހުން ދޭންޖެހޭ އެއްވެސް ސަބަބެއް ނުފެނޭ: ފައްޔާޒް

ލޯކަލް ގަވަނަންސް މިނިސްޓަރު އާދަމް ޝަރީފަށް ރުހުން ދޭންޖެހޭ ސަބަބެއް ފެނިވަޑައިނުގަންނަވާކަމަށް ކުރީގެ އިކޮނޮމިކް މިނިސްޓަރު، އަދި އިދިކޮޅު އެމްޑީޕީގެ ޗެއާޕާސަން ފައްޔާޒް އިސްމާއީލް ވިދާޅުވެއްޖެއެވެ.
ފައްޔާޒް މިފަދައިން ވިދާޅުވީ ސަރުކާރުގެ ނިންމުންތަކަށް ފާޑު ކިޔައި ކޮރަޕްޝަންގެ އަމަލުތައް ހިންގަމުންދާ ކަމަށް ބުނެ، ހަބަރު ފަތުރަމުން ދިޔަ ކުރުސީ.ކޮމް އާއި ދިޔަވަރު.ކޮމްއަށް ނުވަދެވޭ ގޮތަށް ރޭ ބްލޮކް ކުރުމާއި ގުޅިގެންނެވެ.
މި ދެ ސައިޓު ބްލޮކް ކޮށްފައިވަނީ ލޯކަލް ގަވަނަންސް މިނިސްޓްރީގެ ދަށުގައިވާ މޯލްޑިވްސް ކޮމިއުނިކޭޝަންސް އޮތޯރިޓީ (ކޭމް) މެދުވެރިކޮށެވެ.
މިކަމާއި ގުޅިގެން ފައްޔާޒު ވިދާޅުވީ އާދަމް ޝަރީފް ޑިފެންސް މިނިސްޓްރީގައި ހުއްނެވިއިރު މަޖިލީހުގެ ތާރީހުގައި އަލަށް ސިފައިން ވައްދާ މެމްބަރުންނަށް އަނިޔާކުރެއްވި ކަމަށެވެ. އަދި މިހާރު ކޭމް މެދުވެރިކޮށް ހިޔާލުފާޅުކުރުމުގެ މިނިވަންކަން ނައްތާލުމަށް މަސައްކަތް ފައްޓަވާފައިވާ ކަމަށް ފައްޔާޒު ވިދާޅުވިއެވެ.
“ލާމަރުކަޒީ ނިޒާމް ވެސް ފުށިދިއްގަރަށް، ރުހުން ދޭންޖެހޭ އެއްވެސް ސަބަބެއް ނުފެނޭ” ފައްޔާޒު ވިދާޅުވިއެވެ.
ސަރުކާރުގެ ވަޒީރުންނަށް ރުހުން ދިނުމުގެ މައްސަލައިގައި ރިޕޯޓް ފުރިހަމަނުވާ ކަމަށް ނިންމައި މިދިޔަ ބުދަ ދުވަހު ވަނީ އަލުން ކޮމިޓީއަށް ފޮނުވާފައެވެ. އެ ރިޕޯޓު އަލުން ދިރާސާކުރަން މާދަމާ ރޭ ކޮމިޓީ ބައްދަލުވުމެއް ބޭއްވުމަށް ވަނީ ނިންމާފައެވެ.




-1.webp)


ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.