Wednesday, 18 November 2026
Advertisement
STO — McCoy (leaderboard)
ޚަބަރު

ކުރީ ސަރުކާރުން ނު އަގުގައި ރަށްތަކެއް ދޫކުރި: ޓޫރިޒަމް މިނިސްޓަރު

ކުރީ ސަރުކާރުން ނު އަގުގައި ރަށްތަކެއް ދޫކުރި: ޓޫރިޒަމް މިނިސްޓަރު

ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ފަތުރުވެރިކަމުގެ ބޭނުމަށް ނު އަގުގައި ރަށްތަކެއް ދޫކުރި ކަމަށް މި ސަރުކާރުގެ ޓޫރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެއެވެ.

މިނިސްޓަރު ފައިސަލް އެހެން ވިދާޅުވީ، ދައުލަތުގެ މީޑީއާގެ ''ރާއްޖެ މިއަދު'' ޕްރޮގްރާމްގައި ވާހަކަ ދައްކަވަމުންނެވެ. ފައިސަލް ވިދާޅުވީ، ޓޫރިޒަމް އިންޑަސްޓްރީ އަކީ ރައީސް ޑރ މުހައްމަދު މުއިއްޒު ވަރަށް ބޮޑު ސަމާލުކަމެއް ދެއްވާ އިންޑަސްޓްރީ އެއް ކަމަށެވެ. ފަތުރުވެރިކަމަށް ހާއްސަކޮށްގެން ވިޒިޓާސް އިކޮނޮމިކް ކައުންސިލްގެ ނަމުގައި މުޅިން އައު ކައުންސިލެއް ވަނީ އުފައްދާފައެވެ. އެ ކައުންސިލްގައި ހިމެނިވަޑައިގަންނަވަނީ ޓޫރިޒަމް މިނިސްޓަރުގެ އިތުރުން އިކޮނޮމިކް މިނިސްޓަރެވެ. ކައުންސިލް ޗެއާކުރައްވަނީ ރައީސް މުއިއްޒެވެ. އެ ކައުންސިލުގައި މަޝްވަރާ ކުރެވެމުންދާ ކަންތައްތަކާއި ގުޅޭ މައުލޫމާތު ހިއްސާކުރައްވަމުން ފައިސަލް ވިދާޅުވީ ކުރީ ސަރުކާރުން ދޫކޮށްފައި ހުރި ރަށްތަކާއި މެދު ކަންތައް ކުރާނެ ގޮތާއި މެދު މަޝްވަރާތަކެއް ކުރެވިފައިވާ ކަމަށެވެ. ''ބައެއް ރަށްތައް އެބަހުރި ނުއަގުގައި ދޫކޮށްފައި'' މިނިސްޓަރު ވިދާޅުވީ އިތުރަށް ކުރިއަށްދާނެ ގޮތާއި މެދު އިކޮނޮމިކް ކައުންސިލުން ގޮތްތަކެއް ނިންމާފައިވާ ކަމަށެވެ. ނަމަވެސް އެއީ ކޮން ރަށްތަކެއް ކަމެއް މިނިސްޓަރު ވިދާޅެއް ނުވެއެވެ. އަދި ނިންމި ނިންމުމަކީ ކޮބައިކަމެއް ހާމައެއް ނުކުރައްވައެވެ. ރާއްޖެއަށް އިންވެސްޓްމެންޓް ބޭންކެއް ގެންނަވާނެ ކަމަށް ރައީސް މުއިއްޒު ވަނީ ކެމްޕޭނު ތެރޭގައި ވައުދުވެވަޑައިގެންފައެވެ. އެކަމަށް އިޝާރާތް ކުރައްވާ މިނިސްޓަރު ވިދާޅުވީ، އެއީ ޓޫރިޒަމް އިންޑަސްޓްރީއަށް ވަރަށް މުހިއްމު ކަމެއް ކަމަށެވެ. ފައިސަލް ވިދާޅުވި ގޮތުގައި އިންވެސްޓްމެންޓް ބޭންކެއް އުފެދިގެން ދިޔުމަކީ ވިޔަފާރިއަށް ލިބިގެންދާނެ ކުރިއެރުމެކެވެ. ވަކިން ހާއްސަކޮށް ޓޫރިޒަމް އިންޑަސްޓްރީއަށް އިންވެސްޓުކުރަން ބޭނުންވާ ޒުވާނުންނަށް ފުރުސަތު ފަހިވެގެންދާނެ ކަމަށެވެ. އެ މަސައްކަތް ވަރަށް ބާރު ސްޕީޑުގައި ކުރިއަށްދާ ކަމަށާއި ރައީސް ބޭނުންފުޅު ވަނީ ޓޫރިޒަމް އިންޑަސްޓްރީގައި އަންހެނުންނަށް ފަހި ފުރުސަތުތަކެއް ފޯރުކޮށްދިނުން ކަމަށްވެސް ވިދާޅުވިއެވެ. ރިސޯޓުތަކުގެ ޓޮޕް މެނޭޖްމެންޓުން ޒުވާނުންނަށް ފުރުސަތު ހޯދައި ދިނުމުގެ ކުރަން ޖެހޭ މަސައްކަތަތައް ކުރިއަށްދާ ކަމަށާއި ވަރަށް ކައިރި މުސްތަގުބަލެއްގައި އެ މަސައްކަތުގެ ސްޓްރެޓެޖިކް ޕްލޭންް ނިންމާލެވޭނެ ކަމަށް ވިދާޅުވިއެވެ.

ޓޫރިޒަމް ޑައިވާސިފައި ކުރުން

މިނިސްޓަރު ފައިސަލް ވިދާޅުވި ގޮތުންނަމަ ވިޒިޓާ އެކޮނޮމީ ކައުންސިލްގެ އެންމެ މުހިއްމު އަމާޒަކީ ޓޫރިޒަމް ޑައިވާސިފައި ކުރުމެވެ. އެގޮތުން ޓޫރިޒަމް މިނިސްޓްރީގެ ޕޮލިސީ އެންޑް ޑިވޮލޮޕްމެންޓް ޑިޕާޓްމެންޓުން ވަނީ ޑައިވާސިފައި ކުރުމާއި ގުޅޭ މުހިއްމު ކަރުދާހެއް އިކޮނޮމިކް ކައުންސިލަށް ހުށަހަޅާފައެވެ.
އޭގައި ފާހަކޮށްލަން ހެރިޓޭޖް، މެޑިކަލް ޓޫރިޒަމް، ލޯކަލް ޓޫރިޒަމް ކިހިނެއްތޯ ރާއްޖޭގައި އަށް މަންފާކުރަމުންދާނީ
ފައިސަލް ވިދާޅުވީ، މިހާރު ކުރިއަށް ދަނީ އެ ކަރުދާހުގައި ހުރި ކަންކަން އިސްލާހު ކުރުމުގެ މަސައްކަތް ކަމަށެވެ. އެއަށް ފަހު ކެބިނެޓަށް ޕޭޕަރު ހުށަހެޅިގެންދާނެ ކަމަށް ވިދާޅުވިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.