ފެންބޮޑުވުމުން ގެއްލުން ލިބުނު ގެތަކަށް ރައީީސް ޒިޔާރަތް ކުރައްވައިފި

މާލެއަށް ބޯކޮށް ވާރޭ ވެހި، ފެންބޮޑުވުމުގެ ސަބަބުން ގެއްލުން ލިބުނު ގެތަކަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ޒިޔާރަތް ކުރައްވައިފިއެވެ.

Ads by Hajj Corporation

މާލެއަށް މިއަދު ވެސް ވަރަށް ބޯކޮށް ވާރޭވެހިފައިވާއިރު، މަގުތަކުގައި ފެންބޮޑުވެ، ގެތަކަށާއި ފިހާރަތަކަށް ފެންވަދެ ގެއްލުންތަކެއްވެފައެވެ.

ރައީސް މުޢިއްޒު ވަނީ ގެއްލުން ލިބުނު މިއަދު ޒިޔާރަތް ކުރައްވައި، އެ ގެތަކުގައި ދިރިއުޅޭ މީހުންގެ ހާލު ބައްލާލައްވައިފައެވެ.

މި ޒިޔާރަތުގައި ނައިބު ރައީސް ޙުސެއިން މުޙައްމަދު ލަޠީފު އަދި ޑިފެންސް މިނިސްޓަރު ޣައްސާން މައުމޫން ވެސް ވަނީ ބައިވެރިވެވަޑައިގެންފައެވެ.

ބޯކޮށް ވާރޭވެހި ފެންބޮޑުވާނެ ކަމަށް ލަފާކޮށް ކ. އަތޮޅުން އދ. އަތޮޅަށް އަށް އޮރެންޖެ އެލާޓު ވެސް ވަނީ މޫސުމާ ބެހޭ ޤައުމީ އިދާރާ އިން ނެރެފައެވެ.