Monday, 16 November 2026
Advertisement
Allied Insurance (leaderboard)
ޚަބަރު

ރާއްޖެއަށް ޕޭޕަލް ގެނައުމުގެ މަސައްކަތް ސަރުކާރުން ފަށައިފި

ރާއްޖެއަށް ޕޭޕަލް ގެނައުމުގެ މަސައްކަތް ސަރުކާރުން ފަށައިފި
ރާއްޖެއަށް ޕޭޕަލްގެ ޚިދުމަތް ހޯދުމަށް ދިވެހި ސަރުކާރުން މަސައްކަތް ފަށައިފިއެވެ. ޕޭޕަލް އާއި އެހެން އޮންލައިން ޕޭމަންޓް ސިސްޓަމްތައް ރާއްޖޭގައި ބޭނުންކުރެވޭނެ ގޮތް ހެދުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.
މިކަމުގެ މަޝްވަރާތައް އެމެރިކާ ސަރުކާރާއިއެކުގައި ވަނީ ފަށައިފައެވެ.
ޤަވާއިދުން ޚިދުމަތްތައް އަޕްޑޭޓް ކުރަމުންދާ ޕޭޕަލް އަކީ ގިނަ ބަޔަކު ބޭނުންކުރާ އަދި އިތުބާރު ކުރެވޭ އޮންލައިން ޕޭމަންޓް ޕްލެޓްފޯމެއްގެ ގޮތުގައި ދެމިއޮތް ކުންފުންޏެކެވެ.
ރައީސް އޮފީހުގެ ޕްރިންސިޕަލް ސެކްރެޓަރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް އިބްރާހިމް އިއްޔެ ވިދާޅުވީ، ރާއްޖޭގައި އޮންލައިން ބިޒްނަސް ކުރުމަށް ދިމާވެފައިވާ ދަތިތައް ނައްތާލުމަކީ، ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ ސަރުކާރުން އިސްކަމެއް ދޭ ކަމަކަށް ވުމުން، އޮންލައިން ބިޒްނަސް ކުރުމަށް ހުރި ހުރަސްތައް ނެތިކޮށްލުމަށްޓަކައި އިއްޔެ ބޭއްވި ކެބިނެޓް ބައްދަލުވުމުގައި ޕޭޕަލްގެ ހިދުމަތް ހޯދަން މަޝްވަރާތައް ކުރެވިފައިވާ ކަމަށެވެ.
ރާއްޖޭން މިހާރު ޕޭޕަލް މެދުވެރިކޮށް ކުރެވޭ ކަމަކީ ފައިސާ ފޮނުވުމެވެ. އެހެންވެ އިންޓަނެޓް މެދުވެރިކޮށް ހިންގާ ވިޔަފާރީގެ އެކި މުއާމަލާތްތަކާއި އާމްދަނީ ލިބޭ މަސައްކަތްތަކަށް ފައިސާ ލިބެން މިކަން ވެފައި ވަނީ ހުރަހަކަށެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.