Monday, 16 November 2026
Advertisement
MWSC — SmartMeter (leaderboard)
ޚަބަރު

މިކުރަނީ ޤައުމީ ޖިހާދެއް, އިންތިޚާބުގެ ނަތީޖާ އެހެން ގޮތަކަށް ނިކުމެއްޖެނަމަ ކުރަން ޖެހޭ ހަނގުރާމަ ބޮޑުވާނެ: އާޒިމާ

މިކުރަނީ ޤައުމީ ޖިހާދެއް, އިންތިޚާބުގެ ނަތީޖާ އެހެން ގޮތަކަށް ނިކުމެއްޖެނަމަ ކުރަން ޖެހޭ ހަނގުރާމަ ބޮޑުވާނެ: އާޒިމާ

އަންނަ ހޮނިހިރު ދުވަހު އޮންނަ މާލޭ ސިޓީ ކައުންސިލްގެ މޭޔަރުގެ އިންތިޚާބުގެ ނަތީޖާ އަންނަ ގޮތަކުން ޤައުމަށްޓަކައި ކުރަން ޖެހޭ ހަނގުރާމަ އިތުރުވެގެންދާނެ ކަމަށް ސަރުކާރުގެ ކޮންގްރެސް ޕާޓީގެ ޓިކެޓްގައި ވާދަ ކުރައްވާ އައިޝަތު އާޒިމާ ޝަކޫރު ވިދާޅުވެއްޖެވެ.

އާޒިމާގެ ކެންޕެއިން ހަރަކާތުގެ ތެރެއިން މިއަދު ވަނީ މާލޭގައި ސައިކަލު ބުރެއް ބާއްވާފައެވެ. ސައިކަލު ބުރު ނިންމާލުމަށްފަހު ބައިވެރިންނާ އާޒިމާ ވަނީ މުޚާތަބު ކުރައްވާ ވާހަކަފުޅު ދައްކަވާފައެވެ.

އާޒިމާގެ ވާހަކަފުޅުގައި ވިދާޅުވީ ސަރުކާރާ އިދިކޮޅު ކެނޑިޑޭޓުން ހޮވިއްޖެނަމަ ސަރުކާރުގެ މަޝްރޫއުތަކަށް ހުރަސް އަޅާނެ ކަމަށެވެ. މިސާލު ޖައްސަވަމުން ވިދާޅުވީ މާލޭ ސަރަހައްދަށް އެންމެ މުހިންމު މައްސަލަ ކަމަށްވާ ބޯހިޔާވެހިކަމުގެ މައްސަލައާ ސަރުކާރު ދެކޮޅު ކެނޑިޑޭޓުން ދެކޮޅު ހައްދަވަމުންދާ ކަަމށެެވެ.

Advertisement
Allied — Dhen Online (box)

"މިހާރު އަޅުގަނޑުމެން ކުރަމުން މިދާ މަސައްކަތުގައި, ރަައީސް ޑރ. މުޢިއްޒު ކުރައްވަމުން ގެންދަވާ މަސައްކަތުގައި ހުރަސް އަޅާނެ ބަޔަކު މާލޭގެ މޭޔަރު ކަަމަށް ގެނެވިއްޖެ ކަމަށް ވަންޏާ, ރާއްޖޭގެ ކުރިއެރުމާއި ތަަރައްޤީއަށް ހުރަސްތަކެއް ކުރިމަތިވާނެ" އާޒިމާ ވިދާޅުވިއެވެ.

އާޒިމާ ވިދާޅުވީ ހޮނިހިރު ދުވަހު ނެގޭ ވޯޓަކީ ވަރަށް މުހިންމު ވޯޓެއް ކަމަށާއި އެ ވޯޓަކީ ޤައުމިއްޔަތާ ގުޅިފައިވާ ވޯޓެއް ކަމަށެވެ.

"އަޅުގަނޑުމެން މިކުރަނީ ޤައުމީ ޖިހާދެކޭ. މި ޖިހާދުގައި ތިބޭފުޅުން ބައިވެރިވެ ވަޑައިގަންނަވާށޭ." އާޒިމާ ވިދާޅުވިއެވެ.

އާޒިމާގެ ވާހަކަފުޅު އިތުރަށް ތިލަ ކުރައްވަމުން ވިދާޅުވީ, ދިވެހިންނަށް ނުކުރެވޭނެ އަދި ކޮށްގެން ނުވާނެ ކަމަކީ ދިވެހި ރާއްޖެއާ ދެކޮޅަށް ވާހަކަ ދެއްކުން ކަމަށާއި ނަމަވެސް މިއަދު އެމްޑީޕީން އެކަން ކުރަމުންދާ ކަމަށެވެ.

"އަޅުގަނޑުމެންގެ ޚާރިޖީ ސިޔާސަތުގައި ޚިޔާލުތަފާތުވާ ކަންތައްކެއް ހުރެދާނެ. އެކަމަކު އަޅުގަނޑު ކަންބޮޑުވާ ކަމަކީ ސަރުކާރާ މި އޮންނަ ދެކޮވުންތަކުގައި ޤައުމާ ދެކޮޅު ޚިޔާލުތަކެއް އެހެން ފަރާތްތަކާ މެދުގައި ފާޅު ކުރާތީ" އާޒިމާ ވިދާޅުވއިެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.