ރައީސްގެ ދަތުރުފުޅާއެކު ތަރައްޤީގެ މުޅިން އައު ޒަމާނަކަށް އުންމީދު އައުކޮށްދީފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިހާރު ޗައިނާއަށް ކުރައްވަމުން ގެންދަވާ ފުރަމާނަ ދަތުރުފުޅުގެ ސަބަބުން ދިވެހި ރާއްޖެއަށް ތަރައްޤީގެ މުޅިން އައު ޒަމާނަކަށް އުންމީދު އައުވެއްޖެ ކަމަށް ރައީސުލް ޖުމްހޫރިއްޔާގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
ރައީސް ޑރ. މުޢިއްޒު މިވަގުތު ހުންނެވީ ފުރަމާނަ ދަތުރުފުޅެއްގައި ޗައިނާގައެވެ. މިއީ ރައީސުލްޖުމްހޫރިއްޔާގެ ހައިސިއްޔަތުން އެމަނިކުފާނު ކުރައްވާ ފުރަތަމަ ފުރަތަމާނަ ދަތުރުފުޅެވެ.
މިއަދު އެކްސްގައި ކުރެއްވި ޕޯސްޓެއްގައި އަބްދުއްރަހީމް ވިދާޅުވީ, ރައީސް މުއިއްޒު ޗައިނާއަށް މިހާރު ކުރައްވަމުން ގެންދަވާ އެ މަނިކުފާނުގެ ފުރަތަމަ ފުރަމާނަ ދަތުރުފުޅުގެ ސަބަބުން ދެ ގައުމުގެ ދެ މެދުގައި އެކުވެރިކަމުގެ އާ ބާބެއް ލިޔަން ފެށި، ތަރައްގީގެ މުޅިން އާ ޒަމާނަކަށް އުންމީދު އާކޮށްދީފި ކަމަށެވެ.
"ރައީސް ޑރ.މުޢިއްޒު ސީނުކަރަޔަށް މިހާރު ކުރައްވަމުން ގެންދަވާ އެ މަނިކުފާނުގެ ފުރަތަމަ ފުރަމާނަ ދަތުރުފުޅުގެ ސަބަބުން ދެ ގައުމުގެ ދެ މެދުގައި މިވަނީ އެކުވެރިކަމުގެ އައު ބާބެއް ލިޔަންފަށާފައި.ތަރައްގީގެ މުޅިން އައު ޒަމާނަކަށް އުންމީދު އައު ކޮށްދީފައި. މަރުޙަބާ!ރައީސް ޑރ.މުޢިއްޒު" އަބްދުއްރަހީމް ވިދާޅުވިއެވެ.
ޗައިނާއަށް ރައީސް ޑރ. މުޢިއްޒު ކުރައްވަމުން ގެންދަވާ ދަތުރުފުޅުގެ ތެރެއިން އެކިދާއިރާތަކުން އެއްބާރުލުން ދިނުމަށް ޗައިނާއާއެކު 20 އެގްރީމެންޓެއްގައި ރާއްޖެއިން ވަނީ ސޮއިކޮށްފައެވެ. އަދި ޗައިނާގެ ރައީސް ޝީ ޖިންޕިންއާއެކު ރަސްމީ ވާހަކަފުޅުތަކެއް ވަނީ ބާއްވާފައެވެ.




-1.webp)


ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.