Tuesday, 17 November 2026
Advertisement
HDC — Share-Below (leaderboard)
ޚަބަރު

ޞާލިޙްގެ އިލްތިމާސެއް ރައީސަށް؛ މާލޭއިން ވޯޓެއް ބޭނުންވަންޏާ ގޯތިތައް ހަވާލުކުރޭ

ޞާލިޙްގެ އިލްތިމާސެއް ރައީސަށް؛ މާލޭއިން ވޯޓެއް ބޭނުންވަންޏާ ގޯތިތައް ހަވާލުކުރޭ
ކުރިއަށް އޮތް ރައްޔިތުންގެ މަޖިލީހުގެ އިންތިހާބާ ގުޅުވައި ކުރީގެ ރައީސް އިބްރާހިމް މުހައްމަދު ސޯލިހު، ރައީސް ޑރ މުހައްމަދު މުއިއްޒަށް ބަހުގެ ހަމަލާތައް ފޮނުއްވައިފިއެވެ. އާދަމް އާޒިމް، މާލޭގެ މޭޔަރުގެ މަގާމު ކާމިޔާބުކުރުމާއި ގުޅިގެން އެމްޑީޕީން މިރޭ ބޭއްވި ޖަލްސާގައި ސޯލިހު ވިދާޅުވި މާލެއިން މި ސަރުކާރަށް ނޫނެކޭ ބުނެފައިވާއިރު، މުޅި ރާއްޖެ މި ސަރުކާރަށް ނޫނެކޭ ބުނާ ދުވަސް އޮތީ މާ ދުރުގައި ނޫން ކަމަށެވެ. އެއަށް ފަހު ސޯލިހު ވަނީ އެމަނިކުފާނުގެ ސަރުކާރުގެ ބިންވެރިޔާ ސްކީމުގެ ދަށުން މާލޭ މީހުންނަށް ދޫކޮށްފައިވާ ގޯތި ހަވާލުކުރުމުގެ މަސައްކަތް ފެށުމަށް ރައީސް މުއިއްޒަށް ގޮވާލައްވާފައެވެ. ކުރިއަށް އޮތް މަޖިލީސް އިންތިހާބުގައި މާލޭގެ ރައްޔިތުން ފަރާތުން ރުހުމެއް ބޭނުންފުޅުވާ ކަމަށްވާނަމަ އެކަން މިހާރުން މިހާރަށް ކުރެއްވުމަށް އެދިވަޑައިގަތެވެ.
މި އިންތިހާބުން (މަޖިލިސް) މާލޭގެ ރައްޔިތުން ފަރާތުން ރުހުމެއް ބޭނުންވާ ކަމަށްވަންޏާ ވޯޓެއް ބޭނުންވާކަމަށްވަންޏާ މުއިއްޒު ކުރަންވީ ކަމަކީ އެއީ
ގޯތިތައް ދޫނުކުރެވެނަމަ އަނެއްކާވެސް ރައްޔިތުން މި ސަރުކާރަށް ނޫނެކޭ ބުނާނެ ކަމަށް ސޯލިހު ވިދާޅުވިއެވެ. ގެދޮރުވެރިޔާ ސްކީމުން މާލެ ސަރަޙައްދުން 4000 ފުލެޓް ލިބޭ ފަރާތްތަށް ކަނޑައަޅައި އެފަރާތްތަކުގެ ނަންތައް ދިވެހި ސަރުކާރުގެ ގެޒްޓަގައި އިއުލާނުކޮށް އެފަރާތްތަކަށް ލިބޭ ފްލެޓް ކަނޑައެޅުމަށްޓަކައި ގުރުއަތު ނެގުން ކުރިއަށްގެންގޮސް ގުރުއަތުން ނެގިފައިވާ ފުލެޓް އެ ފަރާތަށް ފޯރުކޮށްދޭނެ ކަމުގެ އެއްބަސްވުން ސަރުކާރާއެކު ހަދާފައިވާއިރު، ފުލެޓް ހަވާލުކުރުމަށްޓަކައި އެއްވެސް މަސައްކަތެއް ސަރުކާރުން ކޮށްފައި ނުވާކަމަށް ބުނެ އެމްޑީޕީން ވަނީ މީގެ ކުރިންވެސް ކަންބޮޑުވުން ފާޅުކޮށްފައެވެ. ސަރުކާރުން ބުނެފައިވާ ގޮތުން ފްލެޓްތައް ހަވާކުރެވޭނީ އޭސީސީ އިން ކުރަމުން އަންނަ ތަހުގީގު ނިމުމުންނެވެ. އޭސީސީން ބުނާގޮތުގައި އެ މައްސަލައިގައި އަދިވެސް ކުރިޔަށްދަނީ އެކަމާއި ގުޅުންހުރި ފަރާތްތައް ހާޒިރުކޮށްގެން ބަޔާން ނެގުމެވެ. އެ މަސައްކަތް ވީހާވެސް ނިންމަން ތަހުގީގު ޓީމުން މަސައްކަތް ކުރަމުންގެންދާ ކަމަށާއި ނަމަވެސް ތަހުގީގު ނިމޭނެ ވަކި ދުވަހެއް އަދި ބުނަން ނޭނގޭ ކަމަށް އޭސީސީން ބުނެފައިވެއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.