Saturday, 14 November 2026
Advertisement
Ooredoo — Article-Top (leaderboard)
ޚަބަރު

ވިސާއާ ނުލައި މޮންގޯލިއާއަށް ދަތުރު ކުރެވޭ ގޮތް ހަދައިފި

ވިސާއާ ނުލައި މޮންގޯލިއާއަށް ދަތުރު ކުރެވޭ ގޮތް ހަދައިފި
ވިސާއާ ނުލައި ދިވެހިންނަށް މޮންގޯލިއާއަށް ދަތުރުކުރެވޭ ގޮތް ހަދައިފިއެވެ.
ފޮރިން މިނިސްޓްރީން ވިދާޅުވީ މޮންގޯލިއާއަށް ދަތުރުކުރާ ދިވެހިންނަށް ވިސާއާ ނުލާ 12 ޖެނުއަރީ 2024 އިން ފެށިގެން ދަތުރު ކުރެވޭނެ ކަަމަށެވެ. އަދި ވިސާގެ ލުއިތަކުގެ ދަށުން ޑިޕްލޮމެޓިކް، އޮފިޝަލް އަދި އޯޑިނަރީ ޕާސްޕޯޓް އޮންނަ ދިވެހިންނަށް މޮންގޯލިއާއަށް އެތެރެވެ ތިބެވޭނީ އެ ގައުމަށް އެތެރެވާ ދުވަހުން ފެށިގެން ގިނަވެގެން ތިރީސް ދުވަހުގެ މުއްދަތަކަށް ކަމަށް ފޮރިން މިނިސްޓްރީން ވިދާޅުވިއެވެ. އެހެން ނަމަވެސް ދިގު މުއްދަތަކަށް މަޑުކުރަން ނުވަތަ ވަޒީފާ އަދާކުރުމާއި ތައުލީމް ހާސިލްކުރުމަށް ދާން ނުވަތަ މޮންގޯލިއާގައި ވިޔަފާރި ކުރަން ބޭނުންވާ ދިވެހިން ދަތުރުކުރުމުގެ ކުރިން އެކަށީގެންވާ ވިސާއެއް ނަގަން ޖެހޭނެއެވެ. https://twitter.com/mofamv/status/1746806874807414831?s=61&t=u0eFZWU3psjqDCHRh_GUOQ ރާއްޖޭ އާއި މޮންގޯލިއާ ދެމެދު ވިސާގެ އެއްބަސްވުމުގައި ސޮއިކުރީ 17 އޮގަސްޓް 2023 ގައެވެ. ރާއްޖެއާއި މޮންގޯލިއާއާއި ދެމެދު ވިސާ ވެއިވަރ އެއްބަސްވުމުގައި ސޮކުރެއްވީ އިންޑިއާގެ ނިއު ދިއްލީގައި ހުންނަ ދިވެހިރާއްޖޭގެ ހައި ކޮމިޝަންގައި ބޭއްވި ރަސްމިއްޔާތެއްގައެވެ. މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ، އިންޑިއާއަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރު، އިބްރާހީމް ޝަހީބެވެ. މޮންގޯލިއާގެ ސަރުކާރުގެ ފަރާތުން މިއެއްބަސް ވުމުގައި ސޮއި ކުރެއްވީ މޮންގޯލިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ގެންބޯލްޑް ޑަމްބަޖޭވްއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.