އެމްޑީޕީން ބޭނުންވިޔަސް ރައީސް މުޢިއްޒުގެ އިތުބާރުނެތްކަމުގެ މައްސަލަ ކާމިޔާބެއް ނުވާނެ: ތާރިގް
އެމްޑީޕީން ބޭނުންވިޔަސް ރައީސް މުޢިއްޒުގެ އިތުބާރުނެތްކަމުގެ ވޯޓު ކާމިޔާބެއް ނުވާނެ ކަމަށް މަހިބަދޫ ދާއިރާގެ މެންބަރު އަހުމަދު ތާރިގު ވިދާޅުވެއްޖެއެވެ.
ޕީޕީއެމް، ޕީއެންސީން ބޭއްވި ނޫސްވެރިންގެ ބައްދަލުވުމެއްގައި ތާރިގް ވިދާޅުވީ އެމްޑީޕީން ބޭނުންވިޔަސް ބޭނުންވާހާ ކަމެއް ނުވާކަން އެންމެ ފަހުން ބޭއްވި ރިޔާސީ އިންތިހާބުން އެނގިފައިވާ ކަމަށެވެ.
އަދި ރައްޔިތުންގެ ނިންމުން ވަރަށް ސާފު ކަމަށާއި މުޢިއްޒު އެ އިންތިހާބު ކާމިޔާބު ކުރީވެސް ބޮޑު ތަފާތަކުން ކަމަށް ތާރިގް ވިދާޅުވިއެވެ. މިހާރު ރައީސް މުޢިއްޒު އަޒުލު ކުރުމަށް މަޖިލީހުން މަސައްކަތް ދިޔަ ނަމަވެސް އެކަން އެހެން ނުވާނެ ކަމަށް ތާރިގް ވިދާޅުވިއެވެ.
“މިހާރު މަޖިލީހުން މަސައްކަތް ކުރަނީ ރައީސުލްޖުމްހޫރިއްޔާ އަޒުލު ކުރުމަށް. އެކަމެއް ނުވާނެ” ތާރިގް ވިދާޅުވިއެވެ.
ތާރިގް ވިދާޅުވީ އެމްޑީޕީން ނެރުނު ތްރީ ލައިން ވިޕާ ހިލާފަށް ބައެއް ވަޒީރުންނަށް ރުހުން ދޭން ނިންމުމުން އެކަމާ އުފާ ކުރައްވާ ކަމަށާއި އެކަމުން ވެސް އެމްޑީޕީން ބޭނުންވާ ގޮތަށް އެ ޕާޓީގެ ތެރޭގައި ކަންތައްތައް ހިނގަމުން ނުދާކަން އެނގިގެންދާ ކަމަށެވެ.
