ނަފްސާނީ އެހީ ދޭ ހެލްޕްލައިނެއް ފަށައިފި
ނަފްސާނީ އެހީތެރިކަން ދޭ ހެލްޕްލައިނެއް ހަމަޖައްސާ އެ ހެލްޕްލައިންގެ ހިދުމަތް ދޭން ފަށައިފިއެވެ.
ބުދަ ދުވަހު ހެލްތު މިނިސްޓްރީގައި ބޭއްވި ރަސްމިއްޔާތުގައި މި ޚިދުމަތް ތައާރަފްކޮށްދެއްވީ ސްޕޯޓްސް، ފިޓްނެސް އެންޑް ރިކްރިއޭޝަން މިނިސްޓަރު އަބްދުﷲ ރާފިއުއެވެ.
1677 މި ހެލްޕްލައިނަކީ 24 ގަޑިއިރު ހިދުމަތް ލިބޭ ހެލްޕްލައިނެކެވެ.
މި ހެލްޕްލައިންގެ މަގްސަދަކީ ހުރިހާ އުމުރުފުރާއަކަށް އަވަސް ސަޕޯޓް ދިނުންކަމަށް އެ މިނިސްޓްރީއިން ވަނީ ބުނެފައިއެވެ.
ހެލްޕްލައިނުން ލިބޭޚިދުމަތްތަކުގެ ތެރޭގައި އަސާސީ، ނަފްސާނީ ފަސްޓް އެއިޑް، އިމޯޝަނަލް ސަޕޯޓް، މައްސަލަ ހައްލުކުރުން، މަޢުލޫމާތު އަދި އެކަށީގެންވާ ޚިދުމަތްތަކަށް ރިފަރ ކުރުން ހިމެނެއެވެ.
ސައިކޯ ސޯޝަލް ސަޕޯޓު ފޯރުކޮށްދިނުމަކީވެސް މި ހެލްޕްލައިން ގާއިމުކުރުމުގެ މަގުސަދެކެވެ.
ނަފްސާނީ އެހީ ފޯރުކޮށްދިނުމަށް ބޭނުންވާ ހިދުމަތްތައް ގާއިމުކުރުމަކީ ރައީސް ޑރ. މުހައްމަދު މުއިއްޒުގެ ހަފްތާ 14 މަގުޗާޓުގައި ހިމެނޭ ކަމެއްކަން ފާހަގަކޮށްލެވެއެެވެ.
