Monday, 16 November 2026
Advertisement
Allied Insurance (leaderboard)
ޚަބަރު

މަޖިލީހުގެ 33 ޕަސެންޓު އަންހެނުންނަށް ހާއްސަ ކުރަން ބިލެއް ހުށަހަޅައިފި

މަޖިލީހުގެ 33 ޕަސެންޓު އަންހެނުންނަށް ހާއްސަ ކުރަން ބިލެއް ހުށަހަޅައިފި
ރައްޔިތުންގެ މަޖިލީހުގެ 33 ޕަސަންޓު އަންހެނުންނަށް ހާއްސަ ކުރުމަށް ގާނޫނުއަސާސީއަށް އިސްލާހެއް ގެނައުމަށް މަޖިލީހަށް ބިލެއް ހުށަހަޅައިފިއެވެ. އެ ބިލު މަޖިލީހަށް ހުށަހެޅުއްވީ އައްޑޫ މީދޫ ދާއިރާގެ މެންބަރު ރޮޒައިނާ އާދަމެވެ. ރޮޒެއިނާ ވިދާޅުވި ގޮތުގައި އެ ބިލު ހުށަހެޅުމުގެ ބޭނުމަކީ މަޖިލީހަށް އިންތިހާބުވާ މިންވަރު ތެރޭގައި އަންހެނުންގެ ހިއްސާ ކަށަވަރުކުރުމާއި ރައްޔިތުންގެ މަސްލަހަތާއި ގައުމީ މަސްލަހަތު ހިމާޔަތްކުރުމުގައި އަންހެނުންގެ ދައުރި އިތުރުކޮށް ގައުމުގެ މުހިއްމު ނިންމުންތަކުގައި އަންހެނުންގެ ބަސް ހިމެނުމަށާއި ރައްޔިތުންގެ މެދުގައި އަންހެނުންގެ ބައިވެރިވުން އިތުރުކޮށް، ސިޔާސީ މައިދާނުގައި އަންހެނުންތަކަށް ފުރުސަތުތަކެއް ހުޅުވާލަދީ ސިޔާސީ މައިދާނުގައި އަންހެނުންގެ ނިސްބަތް އިތުރުކުރުމެވެ.

އެ ބިލުގައި ވަނީ ގާނޫނު އަސާސީގެ 71 ވަނަ މާއްދާ، ރައްޔިތުންގެ މަޖިލީހުގެ މެންބަރުންގެ އަދަދު ކަނޑައެޅުމުގެ މާއްދާގެ (ށ)ގެ ފަހަތަށް އަކުރުތަކެއް އިތުރު ކުރުމަށެވެ.

އެގޮތުން (ނ) ގައި ރައްޔިތުންގެ މަޖިލީހުގެ މެންބަރުންގެ އަދަދު ކަނޑައެޅުމުގެ މާއްދާގެދަށުން ކަނޑައަޅާ މެންބަރުންގެ އަދަދުގެ ތެރެއިން 33 ޕަސަންޓު އަންހެނުންނަށް ހާއްސަކުރުމަށް އެދި މާއްދާއެއް އިތުރުކުރުމަށް ރޮޒެއިނާ ހުށަހެޅުއްވީ އިސްލާހުގައި އެދިފައިވެއެވެ.

އެ މާއްދާގެ (ރ) ގެ ގޮތުގައި އިތުރުކުރަން ރޮޒެއިނާ އެދިފައިވާ މާއްދާގައި ވަނީ، އަންހެނުން އިންތިހާބު ކުރާ ދާއިރާތައް ކަނޑައަޅާނީ ގުރުއަތުން ކަމަށެވެ.

Advertisement
Allied Insurance — Square (box)

މިހާރު ހިނގަމުންދާ 19 ވަނަ ރައްޔިތުންގެ މަޖިލީހުގައި ތިއްބެވި ހަތަރު އަންހެން މެންބަރުންނެވެ. ވިހި ވަނަ ރައްޔިތުންގެ މަޖިލިސް އިންތިހާބުގައި 41 އަންހެން ކެނޑިޑޭޓަކު ވާދަކުރާއިރު އެއީ ކެންޑިޑޭޓުންގެ 10 ޕަސަންޓެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.