ކަރަންޓުގެ ހިދުމަތް އެންމެ ދަށް ރަށްތަކުގެ މައްސަލަ ފަސް ދުވަހުން ހައްލު ކުރަނީ
މިއަދު 'އެކްސް' ގައި ކުރެއްވި ޕޯސްޓެއްގައި މުއާޒް ވަނީ ކަރަންޓުގެ ހާލަތު އެންމެ ދަށް ހަ ރަށުގެ މައްސަލަ ހައްލު ކުރުމަށް ކުރަމުންދާ މަސައްކަތުގެ އަދާހަމަ ދެއްވާފައެވެ. އެގޮތުން، ހދ. ވައިކަރަދޫގެ ކަރަންޓުގެ މައްސަލަ ހައްލުކުރުމަށް ބޭނުންވާ 250ކވ ގެ ޖެނެެރޭޓަރު އެރަށަށް ފޮނުވުމަށް ބޯޓަށް ލޯޑު ކުރެވިފައިވާ ކަމަށް ވިދާޅުވިއެވެ. އަދި ގދ. ހޯނޑެއްދޫއަށް ބޭނުންވާ 400ކވ ގެ ޖެނެރޭޓަރު އެރަށަށް ފޮނުވައި، އިންސްޓޯލް ކުރުމުގެ މަސައްކަތް ފަށާފައިވާ ކަން ފާހަގަކުރައްވާފައިވެއެވެ.
Ads by Sosun Fihaara
އަދި ހއ. ދިއްދޫ އަދި އައްޑޫއަށް ބޭނުންވާ 1000ކވ ގެ ޖެނެރޭޓަރާއި، ކުޅުދުއްފުށި ސިޓީ އަދި ރ. މީދޫއަށް ބޭނުންވާ 800ކވ ގެ ޖެނެރޭޓަރު ކަސްޓަމްސްއިން ކްލިއާ ކުރުމުގެ މަސައްކަތް މިހާރު ކުރިއަށްދާ ކަމަށް ވިދާޅުވިއެވެ.
މި ރަށްރަށަށް ބޭނުންވާ ޖެނެރޭޓަރުތައް ކުރިއަށް އޮތް 4-5 ދުވަހުގެ ތެރޭގައި އިންސްޓޯލް ކުރެވި ކަރަންޓުގެ ހިދުމަތް ދިނުމުގައި ދިމާވެފައިވާ މައްސަލަތައް ހައްލުވެގެން ދާނެކަން މުއާޒް ފާހަގަކުރެއްވިއެވެ.
Ads by HDC
