Monday, 16 November 2026
Advertisement
MWSC — SmartMeter (leaderboard)
ޚަބަރު

ނަޝީދަށް ދިން ހަމަލާއާ ގުޅޭ އިތުރު މައުލޫމާތުތަކެއް އެބަހުރި: ސަރުކާރު

ނަޝީދަށް ދިން ހަމަލާއާ ގުޅޭ އިތުރު މައުލޫމާތުތަކެއް އެބަހުރި: ސަރުކާރު
ރައްޔިތުންގެ މަޖިލީހުގެ ކުރީގެ ރައީސް، ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާއާ ގުޅުންހުރި އިތުރު މައުލޫމާތުތަކެއް އެބަހުރި ކަމަށް ޑިފެންސް މިނިސްޓަރު ޣައްސާން މައުމޫން މިއަދު ވިދާޅުވެއްޖެ އެވެ. ވަޒީރުންނާ ސުވާލުކުރުމުގެ މިއަދުގެ ފުރުސަތުގައި މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ ވަނީ ނަޝީދަށް ދިން ބޮމުގެ ހަމަލާ "ނުވާކަމެއްގެ ގޮތުގައި" ނިމިދާތަން ފެންނަ ކަމަށް ވިދާޅުވެފަ އެވެ. އިމްތިޔާޒް ޣައްސާންއާ ސުވާލުކުރެއްވީ މި ސަރުކާރުން އެ މައްސަލައިގެ ފުންމިނަށް ބެއްލެވުމުގެ ކަންތައްތައް ކުރެވިދާނެކަމުގެ ޔަގީންކަން ދެއްވިދާނެތޯ އެވެ. އިމްތިޔާޒް ކުރެއްވި ސުވާލަކަށް ޖަވާބު ދެއްވަމުން، މިނިސްޓަރު ވިދާޅުވީ ރައީސް ނަޝީދަށް ދިން ބޮމުގެ ހަމަލާއާ ގުޅުންހުރި އިތުރު މައުލޫމާތުތަކެއް އެބަހުރި ކަމަށާއި، އެ މައުލޫމާތު މަޖިލީހަށް ހިއްސާކުރައްވާނެ ކަމަށެވެ. "އެހެން ނަމަވެސް އެމައުލޫމާތު އަޅުގަނޑުމެންނަށް ހިއްސާކުރެވޭނީ، ތިބޭފުޅުން އެ މައުލޫމާތު ހޯދަން މަސައްކަތް ކުރެއްވީމައި" މިނިސްޓަރު ޣައްސާން ނިންމާލަމުން ވިދާޅުވި އެވެ.

މެއި 6، 2021 ގެ ރޭ އިރާކޮޅު ނަޝީދު އަވާހަރާކޮށްލަން ބޮމުގެ ހަމަލާއެއް ދިނީ އެމަނިކުފާނުގެ ގެކޮޅުން ނުކުމެވަޑައިގެން ސެކުއިރިޓީއާއެކު މަޖީދީ މަގުގައި މަޑުކޮށްގެން އޮތް އެމަނިކުފާނު ކާރުކޮޅަށް ވަޑައިގަންނަވަން ދަނިކޮށެވެ. އެއީ ކަންމަތީގައި ޕާކުކޮށްފައިވާ ސައިކަލެއްގައި އައިއީޑީއެއް ހަރުކޮށް އެ ބޮން ގޮއްވާލައިގެނެވެ.

މި މައްސަލާގައި ނުވަ މީހެއްގެ މައްޗަށް ދައުވާ އުފުލާފައިވާއިރު، މިހާތަނަށް ހުކުމާ ހަމައަށް ވާސިލުވެފައި ވަނީ އެންމެ މީހެކެވެ. އޭގެ އަމަލީ ގޮތުން ބައިވެރިވެ އެ ވަގުތު އެ ސަރަހައްދުގައި ރިމޯޓް ހިފައިގެން އުޅުނު އަދުހަމް އެވެ. އޭނާގެ މައްޗަށް ހުކުމް އިއްވާފައި ވަނީ ކުށަށް އިއުތިރާފު ވުމުންނެވެ. ދެން މި މައްސަލާގައި ހިމެނޭ އެންމެންގެ ޝަރީއަތްތައް ވެސް ކްރިމިނަލް ކޯޓުގައި އަދި ނުނިމެ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.