Tuesday, 17 November 2026
Advertisement
MWSC — SmartMeter (leaderboard)
ޚަބަރު

މަހުލޫފް ހެއްދެވީ ދޮގެއް، އެންޓި ކެމްޕޭނެއް ނުކުރަން: ފައިސަލް

މަހުލޫފް ހެއްދެވީ ދޮގެއް، އެންޓި ކެމްޕޭނެއް ނުކުރަން: ފައިސަލް

ރައްޔިތުންގެ މަޖިލީހުގެ އިންތިހާބުގައި ފުވައްމުލަކު ދެކުނު ދާއިރާއަށް ވާދަކުރެއްވި ކޮއްކޮ ނަޒޫރާ ނަސީމް (ނަޒޫ) އަށް އެންޓި ކެމްޕޭނުކުރި ކަމަށް ބުނެ ކުރީގެ ޔޫތް މިނިސްޓަރު އަހުމަދު މަހުލޫފް ދައްކަވަމުން ގެންދަވާ ވާހަކަ ކުރީގެ ނައިބް ރައީސް ފައިސަލް ނަސީމް މިއަދު ދޮގުކުރައްވައިފިއެވެ.

ފުވައްމުލަކު ދެކުނު ދާއިރާގެ ގޮނޑި ކާމިޔާބު ކުރީ ޕީއެންސީ/ޕީޕީއެމް ޓިކެޓުގައި ވާދަކުރި އިބްރާހިމް ހުސެއިން (އިއްބެ) އެވެ. އިއްބެއަށް 1142 ވޯޓު ލިބުނުއިރު ނަޒޫ އަށް ލިބުނީ 1094 ވޯޓެވެ. ދެ ކެންޑިޑޭޓުންގެ ދެމެދު އުޅެނީ 48 ވޯޓުގެ ފަރަގެވެ.

ނަޒޫގެ ފިރިމީހާ މަހުލޫފް، ފައިސަލް އަށް ތުހުމަތުކޮށް ''އެމްޑީޕީ2024'' ގެ ގްރޫޕެއްގައި ދިގު މެެސެޖެއް ލިޔެފައެވެ. އެ މެސެޖުގައި މަހުލޫފް ވިދާޅުވީ ދެކުނު ދާއިރާގެ ގޮނޑި އެމްޑީޕީއަށް ގެއްލުވާލީ ސީދާ ފައިސަލް ކަމަށެވެ.

Advertisement
HDC — Sidebar (box)

ކުރެވޭ ތުހުމަތުތަކާއި ގުޅިގެން ''ދެން'' އާ ވާހަކަ ދައްކަވަމުން މިދިޔަ ފަސް އަހަރު ނައިބް ރައީސްކަން ކުރެއްވި ފައިސަލް ވިދާޅުވީ، އެމްޑީޕީގެ އެއްވެސް ކެންޑިޑޭޓަކާއި ދެކޮޅަށް މަސައްކަތެއް ކޮށްފައިނުވާނެ ކަމަށެވެ. ވިދާޅުވީ މަޖިލީސް އިންތިހާބު ތެރޭގައި ކުރެވުނު ހުރިހާ މަސައްކަތެެއް ކުރީ އެމްޑީޕީއަށް އިންތިހާބު ކާމިޔާބުކޮށްދޭން ކަމަށެވެ.

''ތިކުރެވޭ ތުހުމަތު ތަކަކީ އެއްވެސް ހަގީގަތެއް އޮތް ތުހުމަތުތަކެއް ނޫން ކަމަށް ދަންނަވަން'' މި ނޫހަށް ފޮނުއްވި މެސެޖެއްގައި ފައިސަލް ވިދާޅުވިއެވެ.

މަހުލޫފް ވިދާޅުވީ ގޮތުގައި ނަޒޫއާ ފައިސަލްއާ ދެމެދު މައްސަލަ ފެށުނީ ރިޔާސީ އިންތިހާބުގައި ކުރީގެ ރައީސް އިބްރާހިމް މުހައްމަދު ސޯލިހުގެ ރަނިން މޭޓަކަށް ރައްޔިތުންގެ މަޖިލީހުގެ ހިތަދޫ އުތުރު ދާއިރާއަށް މެންބަރު މުހައްމަދު އަސްލަމް ހަމަޖެއްސި ހިސާބުން ކަމަށެވެ.

އަދިވެސް އިތުރު ސަބަބެއް ހިމެނޭ ކަމަށްވެސް މަހުލޫފް ވިދާޅުވިއެވެ. އެ މައްސަލަ ފުލުހަށް ހުށަހަޅާފައިވާ ކަމަށްވެސް އޭނާ ވިދާޅުވިއެވެ. އެކަމާއި ގުޅޭ އިތުރު ތަފްސީލެއް ނުދެއެވެ.

އެނގިފައިވާ ގޮތުން ނަޒޫގެ ކެމްޕޭނުގެ އެއްވެސް ހަރާކަތެއްގައި ފައިސަލް ބައިވެރިވެވަޑައިނުގަންވައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.