Tuesday, 17 November 2026
Advertisement
Ooredoo — Article-Top (leaderboard)
ޚަބަރު

ފަލަސްތީނާ ގުޅުވައި ނަން ދޭންވާނީ ބޮޑު މަގަކަށް: މައުމޫން

ފަލަސްތީނާ ގުޅުވައި ނަން ދޭންވާނީ ބޮޑު މަގަކަށް: މައުމޫން

މާލޭގެ މަގަކަށް ފަލަސްތީނާއި ގުޅުވައިގެން ނަން ދިނުމަކީ ފެނިވަޑައިގަންނަވާ ކަމެއް ކަމަށާއި، އެގޮތަށް ނަން ކިޔަން ވާނީ އެކަށީގެންވާ ބޮޑު މަގަކަށް ކަމަށް ކުރީގެ ރައީސް މައުމޫން އަބްދުއްގައްޔޫމް ވިދާޅުވެއްޖެއެވެ.

މައުމޫން އެހެން ވިދާޅުވީ، މިއަދު އެކްސްގައި ކުރެއްވި ޕޯސްޓެއްގައެވެ.

"ފަލަސްތީނާ ގުޅުވައިގެން މާލޭގެ މަގަކަށް ނަން ކިޔުމަކީ އަޅުގަނޑަށް ވަރަށް ފެންނަ ކަމެއް. އަދި އެނަން ކިޔަން ވާނީ އެކަށީގެންވާ ބޮޑު މަގަކަށް ކަމުގައި ވެސް އަޅުގަނޑަށް ގަބޫލު ކުރެވޭ،" މައުމޫން ވިދާޅުވިއެވެ.

Advertisement
HDC — Sidebar (box)

https://twitter.com/maumoonagayoom/status/1793971254279762312

މައުމޫން އެހެން ވިދާޅުވެފައިވަނީ، އިސްރާއިލުން ފަލަސްތީނަށް ދެމުންދާ ހަމަލާތަކާ ގުޅިގެން، ފަލަސްތީނަށް އޮތް ތާއީދު ހާމަކޮށް ދިނުމަށްޓަކައި މާލޭގެ ކޮންމެވެސް މަގަކަށް ފަލަސްތީނުގެ ނަމާ ގުޅުވައިގެން ނަން ދިނުމަށް މާލެ ސިޓީ ކައުންސިލްގެ އިއްޔެގެ ޖަލްސާއިން ފާސްކޮށްފައިވަނިކޮށެވެ.

އެ ބައްދަލުވުމުގައި މާލޭގެ މޭޔަރު އާދަމް އާޒިމް ވިދާޅުވީ މާލޭގައި ނަން ނުދީ އޮތް ދެ މަގެއް އެބައޮތް ކަމަށެވެ. އެހެންވެ އެ ދެ މަގުން ކުރެ އެއް މަގަށް ނުވަތަ އެހެން މަގަކަށް ނަމަވެސް ފަލަސްތީނުގެ ނަމާ ގުޅުވައި ނަމެއް ދިނުމާމެދު މޭޔަރުގެ ހިޔާލު ހުށަހެޅިއެވެ.

"ފަލަސްތީނަކީ އަޅުގަނޑުމެންގެ ހިތާއި ވަރަށް ގުޅިފައި ހުރި ތަނެއް'' އެކަން ހުށަހަޅަމުން އާޒިމް ވިދާޅުވިއެވެ.

ބައްދަލުވުމުގައި ބައިވެރިވެވަޑައިގެންނެވި އެއް މެމްބަރަކު ފިޔަވާ ހުރިހާ މެމްބަރުން ވަނީ މާލޭ މަގަކަށް ފަލަސްތީނުގެ ނަމުން ނަން ދޭން ތާއީދުކޮށްފައެވެ. އެކަމަކަށް ތާއިދު ނުކުރީ މައްޗަންގޮޅި އުތުރުގެ ޕީއެންސީގެ ކައުންސިލަރު ސައީދާ ރަޝާދުއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.