ތޮއްޑޫ ކައުންސިލް ކުރިމަތީ ކުރި މުޒާހަރާގައި އަނިޔާވި ފުލުހަކަށް ފަރުވާދެނީ

އއ. ތޮއްޑޫގައި ދަނޑުބިމުގެ މައްސަލަ ހޫނުވެ އެރަށު ކައުންސިލް އިދާރާ ކުރިމަތީގައި އާންމުން ކުރަމުންދާ މުޒާހަރާގެ ތެރެއިން، އެތަނުގައި ހަރަކާތްތެރިވި ފުލުހަކަށް އަނިޔާވެ، ފަރުވާދޭން ފަށައިފިއެވެ.

ފުލުހުން މިއަދު ބުނީ، ކައުންސިލުގެ އާންމު މަސްލަހަތު ނަގާލަން މަސައްކަތް ކުރަމުން ދިއުމާއި ގުޅިގެން އެ ސަރަހައްދުގައި ފުލުހުން ހަރަކާތްތެރިވަމުންދާ ކަމަށެވެ،

ފުލުހުން ބުނި ގޮތުގައި އެސަރަހައްދުގައި މުޒާހަރާ ކުރަމުންދާ މީހުންގެ ތެރެއިން ކައުންސިލް އިދާރާގެ ފުރާޅު މައްޗަށް ގައު އުކަމުންދާތީ އާއި މަސްލަހަތު ގެއްލުލުމަށް މަސައްކަތްކުރަމުންދާ ދާތީ އެގޮތަށް އެކަންކަން ނުކުރުމަށް ތަކުރާރުކޮށް ފުލުހުން ނަސޭހަތްތެރިވެފައިވެސް ވެއެވެ.

މިކަމާއި ގުޅޭ ގޮތުން މައުލޫމާތު ހޯދަން ކައުންސިލަށް ގުޅާލުމުން އިތުރު މައުލޫމާތު ލިބޭގޮތް ވަނީ ނުވެފައެވެ.