Tuesday, 17 November 2026
Advertisement
Allied Insurance (leaderboard)
ޚަބަރު

ހުޅުމާލެ ބިންތަކުގައި ގަވައިދާ ހިލާފަށް މަސައްކަތްނުކުރަން އެޗްޑީސީން އިލްތިމާސްކޮށްފި

ހުޅުމާލެ ބިންތަކުގައި ގަވައިދާ ހިލާފަށް މަސައްކަތްނުކުރަން އެޗްޑީސީން އިލްތިމާސްކޮށްފި

ހުޅުމާލޭގައި އެކި ބޭނުންތަކަށް ދޫކޮށްފައިވާ ބިންތަކާއި ގޯތިތަކުގައި ގަވައިދާ ހިލާފަށް މަސައްކަތްނުކުރަން   އެޗްޑީސީން އިލްތިމާސްކޮށްފި އެވެ.

އެޗްޑީސީން މިއަދު ނެރުނު އިއުލާނެއްގައި ބުނީ ހުޅުމާލެއިން ވިއްކައި, ކުއްޔަށް ދީފައިވާ ނުވަތަ އިޖުތިމާއީ ބޯހިޔާވަހިކަމުގެ ތެރެއިން ދޫކޮށްފައިވާ ގޯތިތަކުގައި އިމާރާތް ކުރުމުގައި ވެސް އެޗްޑީސީގެ އުސޫލުތަކާ ހިލާފަށް ކަން ކުރަމުން އަންނަ މައްސަލަ ފާހަގަވެފައިވާ ކަމަށެވެ.

އެގޮތުން އިމާރާތް ކުރުމާ ގުޅޭ ހުއްދަތައް ނުނަގާ ގޯތިތެރޭގައި މަސައްކަތް ކުރުމާ އިމާރާތް ކުރުމުގެ މަސައްކަތް ކުރިއަށް ގެންދަމުން އަންނަ ކަމަށް އެޗްޑީސީން ބުނެފައިވެ އެވެ.

Advertisement
Allied Insurance — Square (box)

އެޗްޑީސީން ބުނީ އެ ކުންފުނީގެ އުސޫލުތަކާ ހިލާފަށް މިކަންކަން ތަކުރާރުވަމުންދާނަމަ ކަނޑައެޅިފައިވާ އުސޫލުން ފިޔަވަޅު އަޅާނެ ކަމަށެވެ.

ހުޅުމާލެއިން ދޫކޮށްފައިވާ ގޯއްޗެއްގައި އިމާރާތް ކުރަން ފެށުމުގެ ކުރިން އިމާރާތް ކުރާ ގޮތުގެ ކުރެހުން އެޗްޑީސީން ފާސްކުރުމަށްފަހު އެކަމާ ގުޅޭ އެހެނިހެން ހުއްދަތައް ނަގަން ވާނެ ކަމަށް އެޗްޑީސީން ބުންޏެވެ.

އެޗްޑީސީން އިތުރަށް ބުނީ އެކަމާ ގުޅޭ އުސޫލުތައް އެޗްޑީސީގެ ވެބްސައިޓުންނާއި އެޗްޑީސީގެ ހޮޓްލައިން 1516 އަށް ގުޅުމުން ވެސް ލިބޭނެ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.