Tuesday, 17 November 2026
Advertisement
STO — McCoy (leaderboard)
ޚަބަރު

މާލެ-ވިލިމާލެ މަގުތައް ހެދުމުގެ މަޝްރޫއު: ފީސިބިލިޓީ ހެދުމުގެ އެއްބަސްވުމުގައި ޗައިނާއާއެކު ސޮއިކޮށްފި

މާލެ-ވިލިމާލެ މަގުތައް ހެދުމުގެ މަޝްރޫއު: ފީސިބިލިޓީ ހެދުމުގެ އެއްބަސްވުމުގައި ޗައިނާއާއެކު ސޮއިކޮށްފި

މާލެ އާއި ވިލިމާލޭގެ މަގުތައް ތަރައްޤީކުރުމުގެ މަޝްރޫޢުގެ ފީސިބިލިޓި ސްޓަޑީ ހެދުމުގެ "ލެޓާސް އޮފް އެކްސްޗޭންޖް" ގައި ޗައިނާއާއެކު ސޮއިކޮށްފި އެވެ.

މި އެއްބަސްވުމުގައި ދިވެހި ސަރުކާރުގެ ފަރާތުން  ސޮއި ކުރަށްވާފައިވަނީ ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. ޢަބްދުﷲ މުއްތަލިބެވެ. އަދި ސިޑްކާގެ ފަރާތުން ޗެއާމަން ލުއޯ ޖާއޮހުއީ އެވެ.

ބޭޖިންގައި ދެ ގައުމުގެ އިސް ވެރިން ބޭއްވި އެ ބައްދަލުވުމުގައި ދިވެހި ސަރުކާރުގެ ފަރާތުން ކޮންސްޓްރަކްޝަން މިނިސްޓަރު މުއްތަލިބުގެ އިތުރުން ފިނޭންސް މިނިސްޓަރު ޑރ. މުހައްމަދު ޝަފީގު، ފޮރިން މިނިސްޓަރު މޫސާ ޒަމީރު އަދި ރާއްޖޭން ޗައިނާއަށް ކަނޑައަޅުއްވާފައިވާ ސަފީރު ޑރ. ފަޒީލް ނަޖީބު ބައިވެރިވެވަޑައިގަތެވެ.

Advertisement
HDC — Sidebar (box)

މި ބައްދަލުކުރެއްވުމުގައި، ރާއްޖޭގެ ދެމެހެއްޓެނިވި ތަރައްޤީއަށް ކުރެވޭ މުހިންމު މަޝްރޫޢުތަކާގުޅޭ ގޮތުން މަޝްވަރާކުރައްވާފައިވާ ކަމަށް މިނިސްޓްރީއިން ވަނީ ބުނެފަ އެވެ. އަދި ޗައިނާ ސަރުކާރުގެ އެހީގައި މިހާރު ކުރިޔަށް ގެންދާ މަޝްރޫޢުތަކުގެ އަދާހަމަ ކޮށްފއިވާކަމަށް ވެސް ބުނެފައިވެ އެވެ. 

ވެރިކަމާ ހަވާލުވެވަޑައިގަތުމަށް ފަހު، ރައީސް ޑރ. މުހައްމަދު މުއިއްޒުގެ ފުރަތަމަ ރަސްމީ ދަތުރުފުޅުގެ ގޮތުގައި މި އަހަރުގެ ކުރީކޮޅު ޗައިނާއަށް ވަޑައިގެން މަޝްރޫއުތައް ހިންގުމަށް ޗައިނާއިން ރާއްޖެއަށް ހިލޭ އެހީގެ ގޮތުގައި 130 މިލިއަން ޑޮލަރު ވަނީ ހަމަޖައްސަވައިފަ އެވެ.

އެ ފައިސާއިން މާލެއާއި ވިލިމާލޭގެ މަގުތައް ތަރައްގީ ކުރުމުގެ މަޝްރޫއު ހިންގަން ކަނޑައަޅާފައިވެ އެވެ. އަދި މިއަދު ސޮއިކުރި ލެޓާސް އޮފް އެކްސްޗޭންޖަކީ އެ މަޝްރޫއުގެ އަމަލީ މަސައްކަތް ފެށުމަށް ޓަކައި ފުރިހަމަ ކުރަން ޖެހޭ ފުރަތަމަ މަރުހަލާ ކަމަށް އިންފްރާސްޓްރަކްޗާ މިނިސްޓްރީން ބުންޏެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.