ބޮޑުމޮހޮރާއިން 24 ފުޅި ބަނގުރަލާއެކު ތިން މީހުން ހައްޔަރުކޮށްފި

ވ. އަތޮޅުގެ ފަޅު ރަށެއް ކަމަށްވާ، ބޮޑުމޮހޮރާގައި ބަނގުރާ ގެންގުޅެ ވިއްކަމުން ދިޔަ ކަމުގެ ތުހުމަތުގައި ތިން މީހަކު ހައްޔަރުކޮށްފި އެވެ.

Ads by Hajj Corporation

މިޑީއާތަކަށް ފޮނުވި މެސެޖެއްގައި ފުލުހުން ބުނީ، ޑްރަގް އެންފޯސް ޑިޕާޓްމެންޓް (ޑީއީޑީ) އިން އެ ތިން މީހުން ހައްޔަރުކޮށްފައިވަނީ މިއަދުގެ ވަގުތެއްގައި ކަމަށެެވެ. އެ ތިން މީހުންގެ ވަނަވަރު ފުލުހުން ވަނީ އާއްމުކޮށްފަ އެވެ.

1. އަހުމަދު އަޝްރަފް (43އ) ކ. މާލެ/ މ.ލަކްސްގާޑަން
2. އަމްޖަދު މުހައްމަދު (50އ) ގދ. ތިނަދޫ/ ބްލޫހެވަންގެ
3. ނަލިން އިންޑިކާ ކޮޑިކާރު (52އ) ސްރީލަންކާ

ފުލުހުން ބުނީ އެ ރަށް ބަލައި ފާސްކުރިއިރު 24 ފުޅި ބަނގުރާ ފެނިފައިވާ ކަމަށެވެ.

އެ މައްސަލަ ފުލުހުން ދަނީ ބަލަމުންނެވެ.