ބޭސް ފަރުވާއަށް މާލެ އައި 62 އަހަރު މީހެއްގެ އަތުން ފޭރިއްޖެ

ބޭސްފަރުވާ އަށް މާލެ އައިސް ހުރި 62 އަހަރު ދިވެހި ފިރިހެނެއްގެ އަތުން ފައިސާ ފޭރިއްޖެ އެވެ.

Ads by Sosun Fihaara

މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ އެ މީހާ އަތުން ފޭރިފައިވަނީ އޭނާ ކުއްޔަށް ނަގައިގެން ހުރި ކޮޓަރިއަށް ވަދެ ކަމަށެވެ.

ފުލުހުން ބުނީ އެ މީހާއަށް ބިރުދައްކާ ފޯނުވެސް ފޭރިފައިވާ ކަމަށެވެ. އެކަމުގެ ތުހުމަތު ކުރެވެނީ ދެ މީހަކަށެވެ.

އެ މައްސަލައާ ގުޅިގެން އަދި މީހަކު ހައްޔަރުކޮށްފައެއް ނުވާކަން ހާމަކޮށް ފުލުހުން ބުނީ އެ މައްސަލަ ފުލުހުން ތަހުގީގުކުރަމުންދާ ކަމަށެވެ.

މާލެ ސަރަހައްދުގައި ރަހީނުކޮށް ފޭރުމުގެ މައްސަލަތައް އާންމުވަމުންދާއިރު ދާދި ފަހުންވެސް އެފަދަ މައްސަލައެއް ވަނީ ފެންމަތިވެފަ އެވެ. އެ މައްސަލައަކީ ބޮކި ބަދަލުކޮށްދިނުމަށް އެދި ގެއަކަށް މީހަކު ވައްދާ ހިންގި ރަހީނުގެ މައްސަލައެކެވެ.