މާލެއާއި ހުޅުމާލޭގެ ސީއެޗްއެސްއީއަށް ވަންނަން އަންނަ އަންގާރަ ދުވަހު ހުޅުވާލަނީ
މާލޭގެ ހުންނަ ސެންޓާ ފޮ ހަޔާ އެޑިއުކޭޝަން (ސީއެޗްއެސްއީ) އަށް އަދި ހުޅުމާލޭގައި ހުންނަ ސީއެޗްއެސްއީއަށް ވަންނަން ބޭނުންވާ ދަރިވަރުންނަށް އެ ފުރުސަތު އަންނަ އަންގާރަ ދުވަހު ހުޅުވައިލާ ގޮތަށް ހަމަޖެހިއްޖެ އެވެ.
އެޑިއުކޭޝަން މިނިސްޓްރީން ބުނި ގޮތުގައި އަންނަ އަންގާރަ ދުވަހުން ފެށިގެން އޮންލައިން އެޕްލިކޭޝަން ފޯމްގެ ލިންކު މިނިސްޓްރީގެ ވެބްސައިޓުން ލިބެން ހުންނާނެ ކަމަށެވެ.
- ސީއެޗްއެސްއީގެ އާ އިމާރާތް މިހާރު ހިންގަނީ ހުޅުމާލޭ ފުރަތަމަ ފޭސްގަ އެވެ. އެއީ ކުރީގެ ސަރުކާރުން ގެނައީ ބަދަލެކެވެ. މި ސަރުކާރުން ނިންމީ މާލޭގެ ސީއެޗްއެސްއީއާއި ހުޅުމާލޭގެ ސީއެޗްއެސްއީގައި ވެސް އޭ ލެވެލް ކިޔަވައިދިނުމަށެވެ.
ކޮމެންޓް