ކ. އަތޮޅު ސިއްހީ މަރުކަޒުތަކަށް ދިވެހި ނަރުހުން ހޯދަނީ
ކ.އަތޮޅުގެ ސިއްހީ މަރުކަޒުތަކަށް 42 ނަރުހުން ހޯދުމަށް ހެލްތް މިނިސްޓްރީ އިން އިއުލާނު ކޮށްފިއެވެ.
މިއަދު އެ މިނިސްޓްރީ އިން ކުރި އިއުލާނުގައި ބުނެފައިވަނީ މިނިސްޓްރީގެ ދަށުން ހިންގާ މަރުކަޒުތަކަށް ރެޖިސްޓަރޑް ނަރުހުން، ސީނިއަރ ރެޖިސްޓަރޑް ނަރުހުން އަދި ކްލިނިކަލް ނަރުހުން ހޯދުމަށް ބޭނުންވާ ކަމަށެވެ.
އެގޮތުން ކ އަތޮޅުގެ 9 ސިއްހީ މަރުކަޒަކަށް 42 ނަރުހުން ހޯދަން ބޭނުންވާ ކަމަށް މި އިއުލާނުގައި ބުނެފައިވެއެވެ. އެއީ ތުލުސްދޫ އާއި ހިންމަފުށީ ސިއްހީ މަރުކަަޒަށް ހަތް ނަރުހުން، ދިއްފުށި، ގާފަރު، ކާށިދޫ، ގުޅީގެ ކޮންމެ މަރުކަޒަކަށް ތިން ނަރުހުން، ގުރައިދޫ ސިއްހީ މަރުކަަޒަށް އަށް ނަރުހުން އަދި ހުރާ މަރުކަޒަށް ދެ ނަރުހުންނެވެ.
އެ 42 ނަރުހުންނަކީ ދާއިމީކޮށް ހޯދާ ނަރުހުންނެވެ.
ހުޅުވާލި ވަޒީފާތަކުގެ މުސާރައިގެ ގޮތުގައި 9060 އާއި 10940 ލިބޭއިރު، ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ އަދި ބަންދު ދުވަހުގެ ފައިސާ ލިބޭނެ ކަމަށް ވެސް އިއުލާނުގައި ބުނެފައިވެއެވެ.
މި މަގާމުތަކަށް ޝަރުތުހަމަވާ ފަރާތްތަކުން މި މަހުގެ 17ގެ 1400ގެ ކުރީން ހެލްތު މިނިސްޓްރީއަށް ހުށަހެޅުމަށް މިނިސްޓްރީއިން ވަނީ އެދިފައެވެ.
