ބިދޭސީން ދިރިއުޅޭ ތަނަކުން ވައްކަންކުރި ދިވެއްސަކު ހައްޔަރުކޮށްފި

ބިދޭސީން ދިރިއުޅޭ ތަނަކުން ވައްކަން ކުރި ކަމުގެ ތުހުމަތުގައި ދިވެއްސަކު ހައްޔަރުކޮށްފި އެވެ.

Ads by Sosun Fihaara

އެ މައްސަލައިގައި ހައްޔަރުކުރީ ރ. މީދޫ/ ނަސީމީގޭ މުހައްމަދު ޝާފީ ކަމަށް ފުލުހުން ބުނެއެވެ،

ފުލުހުން ބުނީ ވައްކަން ކުރީ ހުޅުމާލޭގެ ފޭސް އެކެއްގެ އިންޑަސްޓްރިއަލް ޒޯންގައި ބޭރު މީހުން ދިރިއުޅޭ އެކޮމަޑޭޝަންއަކުން މިއަދު ފަތިހު ކަމަށެވެ.

ހައްޔަރުކުރި ޝާފީގެ އަތުން ހަތް މޮބައިލް ފޯނާއި އެއް ޕަވާ ބޭންކުގެ އިތުރުން ދެ ވޮލެޓް ފެނުނު ކަމަށް ފުލުހުން ބުނި ނަމަވެސް އެ ހުރިހާ ތަކެއްޗަކީ މި ބުނާ ބިދޭސީން ދިރިއުޅޭ ތަނުން ވަގަށް ނެގި ތަކެތި ކަމަށް ފުލުހުން ނުބުނެ އެވެ.

ފުލުހުން ބުނީ އެ މައްސަލަ އިތުރަށް ތަހީގުގުކުރަމުންދާ ކަމަށެވެ.

މާލޭގައި ވައްކަމުގެ މައްސަލަތައް ގިނައިރު ހުޅުމާލޭގައި މިހާރު ވަގުންގެ އުނދަގޫ ވަނީ އިންތިހާއަށް ބޮޑުވެފަ އެވެ.