ޔާމީންގެ ތުހުމަތުތައް ކުށްވެރިކޮށް, ފަހުމީ ވިދާޅުވީ ބިލް ކުރަނީ ރީޑިންއަށް ބެލުމަށްފަހު ކަމަށް!

ސްޓެލްކޯއިން ކަރަންޓް ބިލު ހަދަނީ މީޓަރުގެ ރީޑިންއަށް ބެލުމަށްފަހު ކަމަށް އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ މިއަދު ވިދާޅުވެއްޖެ އެވެ.
ފަހުމީ މިފަދައިން ވިދާޅުވެފައިވަނީ މިދިޔަ ބުރާސްފަތި ދުވަހުގެ ރޭ ޕީއެންއެފްއިން ބޭއްވި ޖަލްސާގައި ކުރީގެ ރައީސް އަބްދުالله ޔާމީން, ސްޓެލްކޯއިން ކަރަންޓް ބިލް ކުރުމާ ގުޅޭ ގޮތުން ވާހަކަފުޅުތަކެއް ވިދާޅުވެފައިވަނިކޮށެވެ.
ޔާމީން ވިދާލުވީ ސްޓެލްކޯއިން މިހާރު ގޭގެއަކަށް މީޓަރު ރީޑިން ނަގާކަށް ނުދާ ކަމަށާއި ކަރަންޓް ބިލް ހަދަނީ ކުރީގެ އެއްޗަކަށް ބަލާ, ގްރޯތް ފެކްޓާއެއް ލައިގެން ކަމަށެވެ. އަދި އެ މައްސަލައަކީ މަދަނީ ކޯޓަށް ވައްދަން ޖެހޭ މައްސަލައެއް ކަމަށް ވެސް ޔާމީން ވިދާޅުވި އެވެ.
"އެކަމަކު މާލެއަށް އަންނަ 15 ޕަސެންޓް ގްރޯތަކީ އޭރު ހުރި ގޭގޭގެ ގްރޯތް އަކަށް ލާޒިމެއް ނޫނޭ. އިތުރު އާ ބޮޑެތި އިމާރާތްތައް އެޅުމާއި ކަރަންޓް ބޭނުންކުރާ ބޮޑެތި ކަންކަން ކުރުމާ. އެކަމު އެ ޓެކްސް މި ޕޭ ކުރަނީ އެންމެ އާދައިގެ މީހާވެސް. އެ ގްރޯތް ފެކްޓާ އޭނަގެ ބިލަށް ރީޑީން ނުނަގާ ލީމާ." ޔާމީން ވިދާޅުވި އެވެ.ޔާމީން ވިދާޅުވީ އެކަން ބަލަހައްޓާނެ މިނިސްޓްރީއެއް ހުރި ނަމަވެސް ރައީސް ޑރ. މުހައްމަދު މުއިއްޒު އެކަން ބައްލަވަން ބޭނުން ނުވާ ކަމަށެވެ.
"މި ވާހަކަ ދައްކައިފި ކަމަށް ވަންޏާ އަނެއްކާ ބަޣާވާތްކުރީ. ކަރަންޓުންވެސް ބަޣާވާތް ކުރީ"ސްޓެލްކޯގެ ބިލިން ސިސްޓަމާއި މުވައްޒަފުންނާމެދު ސުވާލު އުފެދޭ ގޮތަށް ދައްކާފައިވަނީ ދޮގު ވާހަކަތަކެއްކަން ފާހަގަކުރައްވާ ފަހުމީ ވަނީ އެކަން ދޮގުކުރައްވާފަ އެވެ. ފަހުމީ ވިދާޅުވީ ސްޓެލްކޯއިން ބިލް ހަދާނީ މީޓަރުގެ ރީޑިންއަށް ބެލުމަށް ފަހު އިތުރު އެެއްވެސް އިންސައްތަ އެއް ނުލާ ކަމަށެވެ. އަދި ބިލް ހެދުމުގައި އަންޒާދާކޮށްގެން އެއްވެސް އެއްޗެއް ނުހިމަނާނެ ކަމަށް ވެސް ފަހުމީ ވިދާޅުވި އެވެ.



-1.webp)


ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.