އިލެކްޝަންސް ކޮމިޝަން ހިންގާނެ އޮފީހެއް ހޯދަނީ
އިލެކްޝަންސް ކޮމިޝަން ހިންގާނެ އޮފީހެއް ހޯދަން އިއުލާންކޮށްފި އެވެ.
އިލެކްޝަންސް ކޮމިޝަނުން މިއަދު ކުރި އިއުލާނެއްގައި ބުނީ ހޯދަން ބޭނުންވަނީ 10 އަހަރުގެ މުއްދަތަށް ކުއްޔަށް ދޭނެ އިމާރާތެއް ކަމަށެވެ
އަދި އެކަމަށް ބީލަން ހުށަހެޅުމުގެ ފުރުސަތު ހުޅުވާލައިފައިވާ ކަމަށް އެ ކޮމިޝަން ބުނެއެވެ.
އަދި އޭގެ ބީލަން ހުޅުވުން އޮންނާނީ މި މަހުގެ 28 ވަނަ ދުވަހު ކަމަށް އެ ކޮމިޝަނުން ބުނެފައި ވެއެވެ.
އިލެކްޝަންސް ކޮމިޝަން މިހާރު ހިންގަމުން ދަނީ ހިލާލީ މަގުގައި ހުންނަ ޕޯޓް ކޮމްޕްލެކްސްގެ ފަސް ވަނަ ފަންގިފިލާގައި ކަމަށެވެ.
އިލެކްޝަންސް ކޮމިޝަންގެ ރައީސް ފުވާދު ތައުފީގު "ދެން"އަށް ވިދާޅުވީ އާ އިމާރާތެއް ހޯދަމުން ދަނީ މިހާރު އެ ކޮމިޝަން ހިންގަމުންދާ އިމާރާތް މި އަހަރަށް ހުސްކުރަން ޖެހޭތީ ކަމަށެވެ.
އޭނާ ވިދާޅުވީ ޕޯޓް ކޮމްޕްލްކްސްގައި މިހާރު އެ ކޮމިޝަން ހިންގަމުންދާތާ މިހާރު 19 އަހަރުވެދާނެ ކަމަށެވެ.
ޕޯޓްކޮމްޕްލެކްސް އިމާރާތުގައި އެ ކޮމިޝަން ހިންގަނީ ފަސް ފަންގިލާއެއްގަ އެވެ.
Ads by STO
