ބިދޭސީއަކު ބަރަހަނާކޮށް ފޭރިގެން ހައްޔަރުކުރީ ފޭރިގެން ދައުވާކުރަން ފޮނުވާފައި އޮތް މީހެއް

ބިދޭސީއަކު ބަރަހަނާކޮށް ފޭރިގެން ހައްޔަރުކުރި ސ. ހިތަދޫ/ ސޯމާ ޝަފީގު އިބްރާހިމް(35އ.) އަކީ ފޭރުމުގެ ހަމަ އެފަދަ މައްސަލައެއްގައި ދައުވާކުރަން ފޮނުވާފައި އޮތް މީހެއްކަން ހާމަވެއްޖެ އެވެ.

Ads by Sosun Fihaara

ކްރިމިނަލް ކޯޓުން ރޭ ނެރުނު ބަންދު އަމުރުގައިވާ ގޮތުން ޝަފީގު މި ފަހަރު ހައްޔަރުކުރީ އޭނާއާ އެހެން މީހަކާ ވެގެން ބިދޭސީއަކު ގަދަކަމުން ގެއަކަށް ވައްދައި ވަޅި ޖައްސައިގެން ފޭރިގެން ނެވެ.

އެގޮތުން އޭނާ ފޭރުނީ 10،600 ރުފިޔާ އޮތް ވޮލެޓެއް ކަަމަށް ވެސް ފުލުހުން ބުނެފައި ވެއެވެ.

އެ މައްސަލައިގައި އޭނާ 15 ދުވަަހަށް ބަންދުކުރަން ވަނީ އަމުރުނެރެފަ އެވެ.

ޝަފީގު މިދިޔަ ޖުލައި މަހުވެސް ފޭރިގެން ހައްުޔަރުކުރީ ހަމަ އެގޮތަށް ގެއަކަށް ބަޔަކު ވައްދައި ފޭރިގެން ނެވެ. އެގޮތުން އޭނާއާ އެހެން ދެ މީހުން ވެގެން ވަނީ ގެއެއްގެ ބޮތްކެއް ބަދަލުކޮށްދޭން އެހީވުމަށް އެދި ފިރިހެނަކު ވައްދައި ވަޅިން ބިރުދައްކައި ބަރަހަނާކޮށް ގަދަކަމުން ބޭންކު އެކައުންޓުން ފައިސާ ޓްރާންސްފާ ކުރުވާފަ އެވެ.

އެ މައްސަލައިގައި އޭނާގެ މައްޗަށް ޝަފީގައި އަނެއް ދެ މީހުންގެ މައްޗަށް ދައުވާކުރަން ވެސް އޮތީ ފޮނުވައިފަ އެވެ.

ނަމަވެސް އޭނާ ދޫކޮށްލައިފައި ހުއްޓާ އަނެއްކާވެސް ފޭރުނީ އެވެ.