ސަފާރީއަކުން ބަނގުރާފުޅިތަކެއް ފުލުހުންގެ ބެލުމުގެ ދަށަށް ގެންގޮސްފި
ސަފާރީއަކުން ބަނގުރާފުޅިތަކެއް ފުލުހުންގެ ބެލުމުގެ ދަށަށް ގެންގޮސްފި އެވެ.
ފުލުހުންގެ ވެބްސައިޓްގައި މިއަދު ޝާއިއުކުރި ހަބެރުގައި ބުނެފައިވަނީ އެތަކެތި އަތުލައިގެންފައިވަނީ ގދ. ގައްދޫ ބޭރުގައި އޮތް ސަފާރީއަކުން ކަމަށެވެ.
ފުލުހުން ބުނީ އެތަކެތި އަތުލައިގެންފައިވަނީ ގަވާއިދާ ހިލާފަށް ބަނގުރާ ގެންގުޅެ އެތަކެތީގެ ވިޔަފާރިކުރާކަމަށް ޑްރަގް ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނުގައި ކޯޓު އަމުރުގެ ދަށުން އެ ސަފާރީ ބަލައި ފާސްކުރުމަށްފަހު ކަމަށެވެ.
ގައްދޫ ޕޮލިސް ސްޓޭޝަނާއި ޑްރަގް ނާކޮޓިކްސް އިންޓެލިޖެންސަށް ގުޅިގެން އިއްޔެ ހިންގި އެ އޮޕަރޭޝަނުގައި އެ ސަފާރީ ބަލައިފާސްކުރިއިރު 1224 ދަޅު ބަނގުރަލާއި 124 ފުޅި ބަނގުރާ ފެނިފައިވާ ކަމަށް ފުލުހުން ބުނެ އެވެ.
ފުލުހުން ބުނީ މައްސަލައާ ގުޅިގެން ބެލުމުގެ ދަށަށް ގެންދިޔަ ދެ މީހުންނާ ސުވާލުކުރުމަށްފަހު ދޫކޮށްލާފައިވާ ކަމަށެވެ. އަދި މައްސަލަ ތަހުގީގުކުރަމުންދާ ކަމަށެވެ.
