Monday, 16 November 2026
Advertisement
Ooredoo — Airfibre (leaderboard)
ޚަބަރު

ޕާޓީއަށް ލިބުނު ފައިސާގެ 90 އިންސައްތަ ނެންގެވީ ޔާމީން: ފަލާހު

ޕާޓީއަށް ލިބުނު ފައިސާގެ 90 އިންސައްތަ  ނެންގެވީ ޔާމީން: ފަލާހު
ވެރިކަމުގައި ކުރީގެ ރައީސް އަބްދުﷲ ޔާމީން ހުންނެވިއިރު ދައުލަތުގެ ބަޖެޓުން ޕީއެންސީ/ޕީޕީއެމް އަށް ލިބުނު ފައިސާގެ 90 އިންސައްތަ އެމަނިކުފާނު ނެންގެވި ކަމަށް ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރު އިބްރާހިމް ފަލާހު ތުހުމަތުކޮށްފި އެވެ. މަޖިލީހުގެ މިއަދުގެ ޖަލްސާގައި ކުރިއަށް ދިޔަ ސިޔާސީ ޕާޓީގެ ގާނޫނަށް އިސްލާހު ގެންނަން ހުށަހަޅާފައިވާ ބިލުގެ ބަހުސްގައި ފަލާހު ވިދާޅުވީ ސިޔާސީ ޕާޓީތަކަށް ދައުލަތުގެ ބަޖެޓުންދޭ ފައިސާ ބޭނުންކުރަން ޖެހޭނީ ރައްޔިތުންނަށާއި ގައުމަށް އެންމެ ފައިދާ ހުރި ގޮތުގައި ކަމަށެވެ. ފަލާހު ސިޔާސީ ދާއިރާއަށް ނިކުމެވަޑައިގެންނެވީ ކުރީގެ ރައީސް މައުމޫން އަބްދުލްގައްޔޫމް އުފެއްދެވި ޕީޕީއެމުންނެވެ. އެކަމަކު ފަހުން މައުމޫންއާ ޔާމީންއާ ދެމެދު މައްސަލަތަކެއް ޖެހި މައުމޫން އެހެން ޕާޓީއެއް އުފެއްދެވި އެވެ. އޭގެ ފަހުން ޕީޕީއެމް ލީޑުކުރެއްވީ ޔާމީނެވެ. ޕީޕީއެމަކީ ސިޔާސީ ޕާޓީތަކުގެ ތެރެއިން އެންމެ ގިނަ މެންބަރުން ތިބި ޕާޓީކަން ފާހަގަކުރައްވާ ފަލާހު ވިދާޅުވީ އެ ޕާޓީއަށް ދައުލަތުގެ ބަޖެޓުން ގިނަ އަދަދެއްގެ ފައިސާ އަބަދުވެސް ލިބޭ ކަމަށެވެ. އެކަމަކު އެ ފައިސާއަށްވާ ގޮތާއި މެދު ފަލާހު ސުވާލު އުފެއްދެވި އެވެ. ދައުލަތުގެ ބަޖެޓުންނާއި އަމިއްލަ ވިޔަފާރިވެރިން އަދި އެ ނޫންވެސް ފަރާތްތަކުން ލިބުނު ގިނަ އަދަދެއްގެ އެހީއަށްވީ ވީނުވީ އެއް ހާމަވީ މީގެ އަހަރެއްހާ ދުވަސް ކުރިން ކަމަށް 18 ވަނަ މަޖިލީހުގައިވެސް އިނގުރާދޫ ދާއިރާގެ މެންބަރުކަން ކުރެއްވި ފަލާހު ވިދާޅުވި އެވެ. އެއަށް ފަހު ޔާމީން ފައިސާ ނެންގެވި ކަމަށް ތުހުމަތު ކުރެއްވި އެވެ.
"ރައީސް ޔާމީނަކީ ހަގީގަތުގައި އަޅުގަނޑުމެން ޕީޕީއަމަށްވެސް ޕީއެންސީއަށްވެސް އޭރު ދައުލަތުގެ ބަޖެޓުން ލިބުނު ފައިސާގެ 90 ޕަސެންޓް އެމަނިކުފާނު ނަގައިގެން ވަގަށް ކައިފަ ވީ"
ފަލާހު ވިދާޅުވީ އެ ތުހުމަތުތަކަކީ ތޯތޯ ތުހުމަތެއް ނޫން ކަމަށެވެ. ޕީއެންސީގެ ޕީޖީ ލީޑަރު ފަލާހު ވިދާޅުވީ ކުރިޔާ ހިލާފަށް އެ ޕާޓީއަށް ލިބޭ ފައިސާއަށް ވާނުވާ އެނގޭ ކަމަށާއި ހަރަދުކުރަނީ އޮފީސް ކުއްޔާއި ސިޔާސީ ހަރަކާތްތަކަށާއި އިންތިހާބުތަކަށް ކަމަށެވެ. އަދި ޖަގަހަތަކަށް ހަރަދުކުރަން ވެސް ތައްޔާރުވަމުންދާ ކަމަށް ފަލާހު ވިދާޅުވި އެވެ.

ޕާޓީ އުވާލަން ޖެހޭ ކަމަށް ފަލާހު ދެކޭ ހާލަތްތައް:

  • ސިޔާސީ ޕާޓީއެއް އުފައްދާތާ ގިނަވެގެން 3 އަހަރު ދުވަސް ނުވަތަ ވަކި މުއްދަތެއް ކަނޑައަޅާ, 5000 މެންބަރުން ހަމަނުވާނަމަ
  • އިންތިހާބުތަކުގައި ވާދަނުކުރާ, ވާދަކޮށްގެން ކާމިޔާބުނުވާ އަދި ރައްޔިތުންގެ ތާއީދު ނުލިބޭ ޕާޓީތައް

މިހާރު ހުށަހަޅާފައިވާ އިސްލާހާއެކު ސިޔާސީ ޕާޓީގެ ގާނޫނާ ހިލާފުވެއްޖެނަމަ އެ ޕާޓީ އެއްލައްކައިން ޖޫރިމަނާކުރެވޭނެ އެވެ. އަދި އިސްލާހާއކެު ސިޔާސީ ޕާޓީތަކަށް ފައިސާ ދޭނީ ދައުލަތުގެ ބަޖެޓުން އާމްދަނީގެ ގޮތުގައި ލަފާކުރާ އަދަދުގެ 0.1 ނުވަތަ 0.2 އިންސައްތަ އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.