އެމްއެމްއޭގެ ފައިނޭންސިންއަށް ބަރޯސާނުވެ ލިބޭ އާމްދަނީން މެނޭޖުކުރޭ: ގަވަރުނަރު
އެމްއެމްއޭ ފައިނޭންސިންއަށް ބަރޯސާ ނުވެ ލިބޭ އާމްދަނީ ހަރަދުތައް މެނޭޖުކުރަން އެމްއެމްއޭގެ ގަވަރުނަރު އަހުމަދު މުނައްވަރު ގޮވާލައްވައިފި އެވެ.
ރައްޔިތުންގެ މަޖިލީހުގެ މިއަދުގެ ބަޖެޓު ކޮމިޓީގައި މުނައްވަރު ވިދާޅުވީ ބަޖެޓުގެ ވަރަށް ބޮޑު އަދަދެއް ހިމަނާފައި އޮތީ ޑޮމެސްޓިކް ފައިނޭންސްއިން ފައިނޭންސްކުރާ ގޮތަށް ކަމަށެވެ.
ގަވަރުނަރު ވިދާޅުވީ ފާއިތުވި 10 އަހަރުގެ ހިސާބުތަކަށް ބަލާލާއިރު 2013 އިން ފެށިގެން 2018 އަށް ބަރޯސާވެފައި އޮތީ ޑޮމެސްޓިކް ފައިނޭންސްއިން އަށް ކަމަށެވެ.
އެހެން ނަމަވެސް އޭރު އެމްއެމްއޭގެ ފައިނޭންސްއިންއަށް ބޭނުންކޮށްފައި އޮތީ އެންމެ ފަހަރަކު ކަަމަށް ގަވަރުނަރު ވިދާޅުވި އެވެ.
"އެހެން ނަމަވެސް 2019 އިން ފެށިގެން 2023 އަށް ފެނިގެން މިދަނީ ހަތަރު އަހަރުގެ ތެރޭގައި ވެސް އަދި ތިން އަހަރުގެ ތެރޭގައި ވަރަށް ބޮޑު އަދަދެއް ފައިނޭންސިންގެ 27 ނުވަތަ 28 އިންސައްތަ އެމްއެމްއޭ ފައިނޭންސިން ކޮށްފައި ހުރިކަން. އެހެންވީމާ މީގެ ނޭދެވޭ އަސަރު ހަގީގަތުގައި އިގުތިސޯދަށް މިހާރުވެސް މި ދަނީ ކުރަމުން. އެއީ އިތުރު ލިކުއިޑިޓީތަކެއް ރުފިޔާތަކެއް އެބަހުރި އަޅުގަނޑުމެންގެ ތެރޭގައި" ގަވަރުނަރު ވިދާޅުވި އެވެ.
މުނައްވަރު ވިދާޅުވީ މަނިޓަރީ ފައިނޭންސިން ނުވަތަ މަރުކަޒީ ބޭންކުން ފައިނޭންސް ކުރުމަށްވުރެ ސަރުކާރަށް ލިބޭ އާމްދަނީން ކޭޝްފްލޯ މެނޭޖުކުރުމަށްޓަކައި ސަރުކާރުން ރާވާފައިވާ ކަންކަން ކުރިއަށް ގެންދުން މުހިންމު ކަމަށެވެ.
ގަވަރުނަރު ވިދާޅުވީ މިހާރު ވެސް އޮންނަ އެކްސްޗޭންޖު ރޭޓްގައި ހިފެހެއްޓެނީ ހަމަ ކިރިޔާ ކަމަށެވެ.
Ads by STO
