ޑޮލަރު މާރުނުކުރާނެކަން ޔުނިވާސަލްއިން ވެސް އަންގައިފި
ރިސޯޓުތަކުން ކޮންމެ ޓޫރިސްޓަކަށް 500 ޑޮލަރު މާރުކުރަން މަޖުބޫރުކުރި ނަމަވެސް އެގޮތަށް އަމަލު ނުކުރާނެ ކަމަށް ރާއްޖޭގައި ގިނަ ރިސޯޓުތަކެއް ހިންގަމުން އަންނަ ޔުނިވާސަލް ގްރޫޕްއިން ވެސް އަންގައިފި އެވެ.
ޔުނިވާސަލް އެންޓަޕްރައިސަސްގެ ޗެއާމަން، މުހައްމަދު އުމަރު މަނިކު (އެމްޔޫ މަނިކު) ސޮއިކުރައްވާ އެމްއެމްއޭއަށް ފޮނުއްވި ސިޓީގައި ވިދާޅުވީ އެމްއެމްއޭގެ ގަވައިދަކީ ރަނގަޅަށް ވިސްނާނުލައި ހެދި ގަވައިދެއް ކަމަށެވެ.
އެގޮތުން ރިސޯޓުތަކުން މިހާރުވެސް ޓެކްސްގެ ގޮތުގައި ފައިސާ ދައްކަނީ ޑޮލަރުން ކަމަށެވެ. އަދި އޭގެ އިތުރުން ޖީއެސްޓީއާއި ރިސޯޓު މުވައްޒަފުންނަށް ދޭ މުސާރައާއި ގްރީން ޓެކްސްއާއި ސަޕްލަޔަރުންނާއި އަދި މާކެޓިންއާއި އެހެނިން ހަރަދުތައް ވެސް ކުރަމުންދަނީ ހަމަ ޑޮލަރުން ކަމަށް މަނިކު ވިދާޅުވި އެވެ.
އެހެންކަމުން އެ ގަވައިދަށް އަމަލުކުރެވެން ނެތް ކަމަށް ވެސް އޭނާ ވިދާޅުވި އެވެ.
އަދި އެ ގަވައިދުގެ ބަދަލުގައި ޕްރެކްޓިކަލް ގަވައިދުތައް ހެދުމަށް ވެސް އޭނާ ގޮވާލެއްވި އެވެ.
ޔުނިވާސަލްއަކީ ރާއްޖޭގައި އަށް ރިސޯޓު ހިންގަމުންދާ ކުންފުންޏެކެވެ.
ޔުނިވާސަލްގެ އިތުރުން ރާއްޖޭގައި ރިސޯޓުތައް ހިންގަމުންދާ މަހުޖަނު ޗަމްޕާ މުހައްމަދު މޫސާ (އުއްޗު) ވެސް ވަނީ ޑޮލަރު މާރުކުރާ ގަވައިދަށް އަމަލުނުކުރާނެ ކަމަށް ވިދާޅުވެފަ އެވެ.
ދައްކާނެދެއްކޭނެ ގައުމުދާނީކުރިއައްރުހުނަސްނުރުހުނަސްގާނޫބައްތަބާވާންޖެހޭނެ