Monday, 16 November 2026
Advertisement
HDC — Share-Below (leaderboard)
ޚަބަރު

ޖެނުއަރީ 1 އިން ފެށިގެން ވަޒީފާއިން ރިޓަޔާކުރާ މުވައްޒަފުންނަށް އެލަވެންސް ނުދޭން ނިންމައިފި

ޖެނުއަރީ 1 އިން ފެށިގެން ވަޒީފާއިން ރިޓަޔާކުރާ މުވައްޒަފުންނަށް އެލަވެންސް ނުދޭން ނިންމައިފި

ފެށޭ އަހަރު ޖެނުއަރީ 1 އިން ފެށިގެން ސަރުކާރު ވަޒީފާއިން ރިޓަޔާކުރާ މުވައްޒަފުންނަށްދޭ އެލަވެންސް ނުދޭން ސަރުކާރުން ނިންމައިފި އެވެ.

އެގޮތަށް ނިންމާ, ނޭޝަނަލް ޕޭ ކޮމިޝަންގެ ރައީސް އަދި ފިނޭންސް މިނިސްޓަރު, މޫސާ ޒަމީރު ސޮއިކުރައްވާ މިދިޔަ އަންގާރަ ދުވަހު ސަރުކާރު އޮފީސްތަކަށް ސިޓީއަކުން އަންގާފަ އެވެ.

އެ ސިޓީގައި ބުނެފައިވަނީ ސަރުކާރުގެ އިކޮނޮމިކް ރިފޯމް އެޖެންޑާގެ ހަރަދު ކުޑަ ކުރުމުގެ ސިޔާސަތުތަކުގެ ތެރެއިން މާލީ ނިޒާމް ހަރުދަނާކުރުމަށްޓަކައި މިހާރު އަމަލުކުރަމުންދާ ގޮތަށް ބައެއް އިސްލާހުތައް ގެނައުމަށް ނިންމާފައިވާ ކަމަށެވެ.

Advertisement
Ooredoo — Truecaller (box)

ގެންނަ މައިގަނޑު އިސްލާހުތަކުގެ ތެރޭގައި ދައުލަތުގެ ވަޒީފާތަކުން މުސްކުޅި ކުރާ މުވައްޒަފުންނަށް މަހުން މަހަށް ދޭ އެލަވެންސް ޖެނުއަރީ 1 އިން ފެށިގެން އަލަށް ވަޒީފާއިން މުސްކުޅި ކުރާ މުވައްޒަފުންނަށް ދިނުން ހުއްޓާލުމަށް ނިންމާފައިވާ ކަމަށް ވެސް އެ ސިޓީގައި ބުންޏެވެ.

ނަމަވެސް މި އަހަރު ޑިސެންބަރު 31 ގެ ނިޔަލަށް ވަޒީފާއިން މުސްކުޅިވެ މަހުން މަހަށް އެލަވެންސް ލިބެމުންދާ މުވައްޒަފުންނަށް އެއްވެސް ބަދަލެއް ނާންނާނެ ކަމަށާއި މަހުން މަހަށް ލިބެމުންދާ އެލެވެންސް ލިބެމުންދާ ކަމަށް ސިޓީގައި ބަޔާންކޮށްފައިވެ އެވެ.

އެ ސިޓީގައި އިތުރަށް ބުނީ އިދާރާތަކުން އެ އެލަވެންސް ދިނުމުގައި އަމަލުކުރާ ގަވާއިދަށް ގެންނަންޖެހޭ އިސްލާހުތައް ގެނެސް, ޖެނުއަރީ 1 ފެށިގެން ތަންފީޒުކުރުމުގެ ގޮތުން ގަވާއިދަށް ގެންނަ ބަދަލުތަކާއެކު ގެޒެޓްކުރުމުގެ ހުއްދައަށް އެދި ފިނޭންސް މިނިސްޓްރީއަށް ހުށަހަޅާ, އަންނަ މަހުގެ 15 ގެ ކުރިން އެ އިސްލާހު ގެޒެޓްކޮށް ނިންމަންވާނެ ކަމަށެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.