ބަނގުރަލާއެކު ހައްޔަރުކުރި ދެ ބިދޭސީން ޑީޕޯޓްކުރަން އިމިގްރޭޝަނާ ހަވާލު ކޮށްފި
ހެންވޭރު ގެއެއް ބަލާ ފާސްކޮށް، ބަނގުރަލާއެކު ހައްޔަރުކުރި ދެ ބިދޭސީއަކު ޑީޕޯޓް ކުރަން މޯލްޑިވްސް އިމިގްރޭޝަނާއި ފުލުހުން ހަވާލުކޮށްފި އެވެ.
ފުލުހުން ބުނީ، އެ މީހުން ދިރިއުޅޭ ގެ ބަލާ ފާސްކޮށްފައިވަނީ ކައުންޓާ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން ކަމަށެވެ.
ޑްރަގް އެންފޯސްމަންޓާއި ކައުންޓާ ނާކޮޓިކްސް އިންޓެލިޖެންސް ގުޅިގެން ހިންގި އެ އޮޕަރޭޝަނުގައި ހައްޔަރުކޮށްފައިވަނީ ސްރީލަންކާ ދެމީހުންނެވެ. އެއީ، ޕައްޓި ވިތަނަލަގެ ވިމޯޝާ، ވިނަތަގެ (27އ) އަދި ނުރުކުޝަން ކަވިންދަ، ސިންގަޕުރަގެ (21އ) އެވެ.
އެ ދެމީހުން ޑީޕޯޓްކުރަން އިމިގްރޭޝަނާއި ހަވާލު ކޮށްފައިވާ ކަމަށް ފުލުހުން ބުންޏެވެ.
މި މަހުގެ 5 ވަނަ ދުވަހު ހިންގި އޮޕަރޭޝަނުގައި އެ މީހުން ދިރިއުޅޭ ގެ ކޯޓު އަމުރުގެ ދަށުން ބަލައިފާސްކުރިއިރު، ބަނގުރާކަމަށް ބެލެވޭ އެއްޗެއްހުރި، 500 އެމްއެލްގެ 116 ފުޅިއާއި 5 ލީޓަރުގެ ހަ ފުޅި ފެނިފައިވާ ކަމަށް ފުލުހުން ބުނެ އެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.
