މާލެ ހިޔާއާއި ސިނަމާލޭގެ ލިފްޓުތަކުގެ މެއިންޓެނެންސް ކޮންޓެކްއާ ހަވާލުކޮށްފި

މާލެ ހިޔާއާއި ސިނަމާލެ ފްލެޓްތަކުގެ ލިފްޓުތަކުގެ މެއިންޓެނެންސްގެ މަސައްކަތް މާލެ ސިޓީ ކައުންސިލުން ބަޔަކާ ހަވާލުކޮށްފި އެވެ.

Ads by MWSC

މިއަދު ބޭއްވި ހާއްސަ ރަސްމިއްޔާތެއްގައި މެއިންޓެނެންސްގެ މަސައްކަތް ހަވާލުކުރީ ކޮންޓެކް ޕްރައިވެޓް ލިމިޓެޑާ އެވެ.

އެއީ ސިނާމާލެ 3, 4 ގެ އިތުރުން މާލެ ހިޔާ 1 އަދި 2ގެ ލިފްޓްތަކުގެ މެއިންޓެނެންސް ބަލަަހައްޓާ ގޮތަށެވެ.

ސިޓީ ކައުންސިލުން ބުނީ އެ މަސައްކަތް ހަވާލުކުރީ ޖީއެސްޓީއާއެކު 79،937.28 ރުފިޔާއަށް ކަމަށެވެ. އެއީ އެއް އަހަރުގެ ދުވަހުގެ މުއްދަތަށް މަހަކަށް 6661.44 ރުފިޔާ އަށެވެ.

މާލެ ހިޔާއާއި ސިނަމާލެ ފްލެޓްތަކަކީ މާލޭގައި އެންމެ ފުރަތަމަ އެޅި ފްލެޓްތަކެވެ.

އެ ފްލެޓްތަކަށް 25 އަހަރަށް ވުރެ ގިނަ ދުވަސް ވެފައިވާ އިރު އެ ފްލެޓްތައް މިހާާރު ވަނީ މަރާމާތަށް ވަރަށް ބޮޑަށް ބޭނުންވެފަ އެވެ. އެހެންވެ އެތަންތަން ތަޅާލުމަށް ފަހު އަލުން އިމާރާތްކުރާ ވާހަކަތަކެއް ސިޓީ ކައުންސިލުން މީގެ ކުރަން ދައްކާފައިވެ އެވެ.

އެހެން ނަމަވެސް އޭގެ އަމަލީ ސިފައެއް ނުފެނެ އެވެ.