Tuesday, 17 November 2026
Advertisement
Ooredoo — Article-Top (leaderboard)
ޚަބަރު

ރަޝިއާއިން ރާއްޖެއަށް ފުރަތަމަ ފަހަރަށް ކޮންސުލް ޖެނެރަލެއް އައްޔަންކޮށްފި

ރަޝިއާއިން ރާއްޖެއަށް ފުރަތަމަ ފަހަރަށް ކޮންސުލް ޖެނެރަލެއް އައްޔަންކޮށްފި

ރަޝިއަން ފެޑެރޭޝަނުން ފުރަތަމަ ފަހަރަށް ކޮންސުލް ޖެނެރަލެއް ރާއްޖެއަށް އައްޔަންކޮށްފި އެވެ.

ފޮރިން މިނިސްޓްރީގައި މިއަދު ބޭއްވި ރަސްމިއްޔާތެއްގައި ރަޝިއާއިން ރާއްޖެއަށް ކަނޑައެޅި ކޮންސުލް ޖެނެރަލް، އެލެކްސީ އެމް އިޑަމްކިން ވަނީ މަގާމުގެ ލިޔުން ފޮރިން މިނިސްޓަރު ޑރ. އަބްދުﷲ ހަލީލާ ހަވާލުކޮށްދެއްވާފަ އެވެ.

މަގާމަށް އެލެކްސީ ހަމަޖެއްސެވުމާ ގުޅިގެން "އެކްސް" ގައި މިއަދު ކުރެއްވި ޕޯސްޓެއްގައި ހަލީލު ވިދާޅުވީ އޭނާއަކީ ރަޝިއަން ފެޑެރޭޝަނުން ފުރަތަމަ ފަހަރަށް ރާއްޖެއަށް ކަނޑައެޅި ކޮންސުލް ޖެނެރަލަށް ވުމަކީ ތާރީހީ ކަމެއް ކަމަށެވެ.

Advertisement
Allied Insurance — Square (box)

ހަލީލް ވަނީ ރާއްޖޭގެ ފަތުރުވެރިކަމުގެ ސިނާއަތުގައި ދެ ވަނައަށް އެންމެ ބޮޑު މާކެޓަކީ ރަޝިއާކަން ފާހަގަކުރައްވާފަ އެވެ. ވުމާ އެކު އިގުތިސޯދީ ގޮތުން އެއްބާރުލުން ދިނުމަށާއި ދެ ގައުމުގެ ގުޅުން ބަދަހިކުރުމަށް ކޮންސުލް ޖެނެރަލްގެ ދައުރު މުހިންމު ކަމުގައި ވިދާޅުވި އެވެ.

ކޮންސުލް ޖެނެރަލްގެ މަގާމަށް އެލެކްސީ ހަމަޖެއްސެވުމާ ގުޅިގެން ހަލީލުގެ ޕޯސްޓުގައި ވަނީ އޭނާއަށް މަރުހަބާ ވިދާޅުވެފަ އެވެ.

ޓޫރިޒަމް މިނިސްޓްރީން އެންމެފަހުން އާންމުކުރި ތަފާސް ހިސާބުތައް ދައްކާ ގޮތުން ހޮނިހިރު ދުވަހުގެ ނިޔަލަށް ރަޝިއާއިން 216،092 ފަތުރުވެރިން ވަނީ ރާއްޖެއަށް ޒިޔާރަތްކޮށްފަ އެވެ. އެ ގައުމަކީ އަހަރުގެ މިހާތަނަށް ދެ ވަނައަށް އެންމެ ގިނަ އަދަދެއްގެ ފަތުރުވެރިން އަންނަމުންދާ ގައުމެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.