ޗައިނާގެ އެހީގައި ފޮނަދޫއަށް މަގު ސާފުކުރާ ވެހިކަލެއް
ޗައިނާގެ އެހީގައި ލ. ފޮނަދޫއަށް ހަދިޔާކުރި މަގު ސާފުކުރާ ވެހިކަލް، ރޯޑް ސްވީޕާ އެ ރަށު ކައުންސިލާ ހަވާލުކޮށްފި އެވެ.
މި ވެހިކަލް ހަދިޔާކޮށްފައިވަނީ ސިޓީސް، ލޯކަލް ގަވާމެންޓް އެންޑް ޕަބްލިކް ވޯކްސް މިނިސްޓްރީގައި މިއަދު ހެނދުނު ބޭއްވި ރަސްމިއްޔާތެއްގަ އެވެ. އެ އުޅަނދާ ފޮނަދޫ ކައުންސިލްގެ ފަރާތުން ހަވާލުވީ ކައުންސިލްގެ ރައީސް އަހުމަދު ރިޒާ އެވެ. އަދި އެމްބަސީގެ ފަރާތުން އުޅަނދު ހަދިޔާ ކުރެއްވީ އެ އެމްބަސީގެ ޗާޖް ދި އެފެއާޒް މިސް ހެއިފެން އެވެ.
އެ ކައުންސިލަށް މަގު ކުނި ކަހާ, ސާފުކޮށް ބަލަހައްޓަން ބޭނުން ކުރާ އުޅަނދު ހަދިޔާ ކޮށްފައިވަނީ ޗައިނާގެ ޔުނާން ހޭންޑް އިން ހޭންޑް ޕްރޮގްރާމްގެ ދަށުންނެވެ. މިއީ 250،000 ޗައިނީސް ޔުއާން ނުވަތަ 540،000 ދިވެހި ރުފިޔާގެ އަގުހުރި އުޅަނދެއް ކަމަށް ލޯކަލް ގަވާމެންޓް މިނިސްޓްރީން ބުނެފައިވެ އެވެ.
ފޮނަދޫއަށް ހަދިޔާކުރި ރޯޑް ސްވީޕާ - ފޮޓޯ: ފޮނަދޫ ކައުންސިލް
އުޅަނދު ހަވާލުކުރުމުގެ ރަސްމިއްޔާތުގައި ވާހަކަ ދައްކަވަމުން ލޯކަލް ގަވާމެންޓް މިނިސްޓްރީގެ ސްޓޭޓް މިނިސްޓަރު މުހައްމަދު އިބްރާހީމް ވަނީ މިފަދަ ބިނާރީ ކުރިއެރުންތަކަށް އަބަދުވެސް ޗައިނާގެ އެންމެ ފުރިހަމަ އެއްބާރުލުން ލިބިގެންދާކަން ފާހަގަކުރައްވާފަ އެވެ.
"މިއަދު އަޅުގަނޑުމެންނަށް މި ފެނިގެންދަނީ މި ގުޅުމުގެ އަލިގަދަ ހެއްކެއް. ފޮނަދޫއަށް މިއަދު ލިބިގެން އެދަނީ އެ ރަށަށް އެހާމެ ބޭނުންތެރި މަގު ސާފުކުރާ އުޅަނދެއް،" މުހައްމަދު އިބްރާހިމް ވިދާޅުވި އެވެ.
ޗައިނާއިން ދަނީ ރާއްޖެއަށް އެކި ގޮތްގޮތުން އެހީތެރިކަން ފޯރުކޮށްދެމުންނެވެ.
