Monday, 16 November 2026
Advertisement
HDC — Share-Below (leaderboard)
ޚަބަރު

ޖަޕާން ޕާލަމެންޓް މެންބަރަކު ރާއްޖޭގައި ނިޔާވެއްޖެ

ޖަޕާން ޕާލަމެންޓް މެންބަރަކު ރާއްޖޭގައި ނިޔާވެއްޖެ

ރާއްޖޭގައި ޗުއްޓީ ހޭދަކުރައްވަމުން ދިޔަ ޖަޕާނުގެ ގާނޫނު ހަދާ މަޖިލީހުގެ މެންބަރަކު ނިޔާވެއްޖެ އެވެ.

ޖަޕާނުގެ ނޫސްތަކުން ރިޕޯޓްކޮށްފައިވާ ގޮތުން ނިޔަވީ އެ ގައުމުގެ ވެރިކަން ކުރާ ލިބަރަލް ޑިމޮކްރެޓިކް ޕާޓީ (އެލްޑީޕީ) އަށް ނިސްބަތްވެވަޑައިގަންނަވާ ޓޮޝިޔުކީ އަޑާޗީ އެވެ.

ފުލުހުން "ދެން" އަށް ބުނީ ޅ. އަތޮޅުގައި ހިންގާ ރިސޯޓެއްގައި ޗުއްޓީ ހޭދަކުރަމުން ދިޔަ 70 އަހަރުގެ އެ ފަތުރުވެރިޔާ ސްނޯކްލިންއަށް ގޮސް އުޅެނިކޮށް މޫދުގައި ނިޔާވެފައި އޮއްވާ ފެނުނު މައްސަލަ އިއްޔެ ހެނދުނު 8:33 ހާއިރު ރިޕޯޓުކޮށްފައިވާ ކަމަށެވެ.

Advertisement
Ooredoo — Square (box)

ނޫސްތަކުން ރިޕޯޓްކޮށްފައިވާ ގޮތުން ރާއްޖެއާ ޖަޕާނާ ދެމެދު ގުޅުން ބަދަހިކުރަން މަސައްކަތް ކުރައްވާ ޓޮޝިޔުކީ ރާއްޖެ ވަޑައިގެންނެވީ ދެ ހަފްތާގެ ޗުއްޓީ ދަތުރަކަށެވެ.

އެލްޑީޕީ އުފެދުނީއްސުރެ އެ ޕާޓީގެ މެންބަރެއްގެ ގޮތުގައި ހުންނެވި ޓޮޝިޔުކީ ވަނީ ޖަޕާނުގެ އިންޖިނިއަރިން އެފެއާޒް މިނިސްޓްރީގެ ނައިބުގެ މަގާމާއި މިނިސްޓްރީ އޮފް ލޭންޑް, އިންފްރާސްޓްރަކްޗާ, ޓްރާންސްޕޯޓް އަދި ޓޫރިޒަމްގެ ވެސް ނައިބުގެ މަގާމުވެސް އަދާކުރައްވާފަ އެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.