އާ އަހަރާ ދިމާކޮށް 5 ދުވަހަށް ބޭންކްތައް ބަންދުވާނެ

އާ އަހަރާ ދިމާކޮށް ބޭންކުތައް 5 ދުވަހަށް ބަންދުކުރަން ނިންމައިފި އެވެ.

Ads by MWSC

ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް އިސްލާމިކް ބޭންކް (އެމްއައިބީ) އިން ބުނީ ޑިސެމްބަރު 31 އިން ޖެނުއަރީ 5 ވަނަ ދުވަހުގެ ނިޔަލަށް އެ ދެ ބޭންކު ބަންދުވާނެ ކަމަށެވެ. ބޭންކުތައް ދެން ހުޅުވާނީ ޖެނުއަރީ 6 ވަނަ ދުވަހު އެވެ.

ބީއެމްއެލުން ބުނީ އެ މުއްދަތުގައި ބީއެމްއެލްގެ އިންޓަނެޓް އަދި މޯބައިލް ބޭންކިންގެ ހިދުމަތާއި، ސެލްފް ސާވިސް އޭޓީއެމް އަދި ކަސްޓަމާ ސަޕޯޓް ސާވިސްގެ ހިދުމަތް ލިބެން ހުންނާނެ ކަމަށެވެ.

އެމްއައިބީއިން ބުނީ އެ ބޭންކްގެ ބްރާންޗުތަކާއި ސޭލްސް ސެންޓަރުތައް އެ މުއްދަތުގެ ތެރޭގައި ބަންދުވި ނަމަވެސް އީ-ބޭންކިންއާ އޭޓީއެމްގެ އިތުރުން ކަސްޓަމާ ކެއާ ސެންޓަރުގެ ހިދުމަތްތައް ލިބޭނެ ކަމަށެވެ.